Emna Frawes - آمنة فراوس

تصبح على خير ...

أية صباح الخير...تمشي تشرب قهوة ؟

نحضر روحي  ونخرج معاك...

إسمعني  متعطلنيش إزرب روحك كل يوم نمشي مخر جرتك...أنا مفهمتش

علا ش تقوم مخر... تجنني في راسي كل صباح. على قد مانحاول نقوم بكري مانجمش. يستناني لوطا. يقتلني بتليفونات...

تلقاني خرج نرحي في الدروج رحيان...نسمع مانكره كي نوصل نتبسم...يتبسم يابو قلب كل صباح هاكا ....تشيحلي ريڨي ...القهوة إلي باش نشربوها تمررهالي  دخل سوريتك ...و انت

خاصة كي دار العرس وامشي...خليني زاهي جاب ربي زاهي ...ومالة كان تكلمت كيفاش ويشدني الضحك...

خطوة خطوة لوسط لبلاد

وسط لبلاد بدا يفيق شي ماشي وشي جاي ...قليل إلي تشوف على وجه تبسيمة الصباح...نمشيو للقهوة...منتشرين في كل بقعة ايكسبريس وباكو دخان  وقليل إلي تلقاه عندو كعيبة كرواسه على طاولة...لمطر خفيفة...والنسمة باردة ...تجمد ليدين...صاحبي سيجارو  لول وثاني  فيروزتغني في الإذاعة الوطنية.. تشويشة خفيفة...برا نقصده ... نهز روحي و نقوم طايع ضائع لأمرُ ...

في ثنية بن عمي تفكر البيرو و الخدمة ...و التعب و الشهرية لمزمرة...العرف... و..و...و...و...ووو الدنيا ماكنتش باهية معاه  

* إشبش نعملوا خبزة صاحبي ....إنسل روحي و نسكت ...مافيه حتى فرق لا في الليل ولا في نهار الشاكي البكاي.ساعات نقعد نحلل بيني بين روحي نقول

زعمة يجيه نهار  يحب ويتحب ...وهو بكل عوج النساء متحبش الراجل الخرنان تحب إلي يضحكها و يضحكلها،وصاحبي ديمة منفس و ياسر منظم كل شي في ساعة بطريقة الي يصورها هو

على  مزاج سيادة... تي انا ساعات نخاف من... نخاف لا نولي كيف... أما نعديلو تعنطيوز خاتر رجلة و صاحب صاحب.

لازم يحب مرا تشبهل في الطبيعة ...باش بنجم يتواصلو

نوصل للخدمة واحنا ساكتين  ...يطل عليك العساس ازرب اطبع وادخل  ....عرفك في ثنية ...قد ما خدمت أمنيتي نعرف العساس كيفاش يعرف وقت عرفي.ندخل ويبدا نهارجديد مشاكل

مواطنين و العرف في بيروه راكش على الفيسبوك ....ويتعدوا إثمانية سوايع...بين هذا وهذاك