Emna Frawes - آمنة فراوس

الخدمة هي مجتمعنا  بشكل مصغر... ترا فيهاالتوانسة الكل على أختلاف انتمائتهم و مويلاتهم و تريبهم....و معتقداهم...كيفي مثلا نعمل كل شي بسترة من نعطي سري لحد نلتزم بالعادات و التقاليد...  و نخاف من ربي يجئ 1000يشبهوني....  فماكي نزيهة سكريتارة المدير... نعيطولها (آبلا حكمت) و هذا راي الأغلبية  فها مرآة متدينة  محترمة ياسر و ديمة تعطي دروس عن الأخلاق  و كيفاش لازمنا نربيوي صغياراتنا على  الدين و الأخلاق الحميدة و شقال ربي و آلنبي... أما مرة ڨبضت علاها صاحبها  بوسة  مخطوفة و هي طالعة لتاكسي ...تبسمتل

و طلعت.حسيت choc...

و كثفت عليها المراقبة...أش عندي ما نصنع حاجة إلهي بها روحي لين نهار حصلتها تتكيف في توالت بيرو  المدير.....  

يا حليلي هذي نزيهة ...الي نهار كامل تسب و تقشش في دنيا وتذم في أخلاقها على اساس الفرس الفالتة ...أنا بيدي متعجبنيش دنيا نحسها مڨلعة طول و ميهما في حد و متجبدلك  حد ...عايشة حياتها بطول و العرض دخان و سينيما ...مسرح... موزيكا ...أصحاب أشكال و الالوان... شعر coupe  garçon ...خراص كبار في وذنها... ديما rouge احمر يسحر مرسوم على شفايف الياسمين ....ملامحها بسيطة...سموريتها تزيد في زينها...قوية و مترشفهة لحد... ومتضلم حد... حارقة ذكية و مثقفة...ضحكتها تملى البيرو... مجنونة  و تكره نزيهة تضهرلها   و عمرها ستين سنة...بوجهين...بن عمي  كيفها يكره نزيهة يمكن هذي أول نقطة بدأت تجمع بينهم و من بعد تخلقت بناتهم بأسر حكايات  و لأن تعجب في أفكارها وخزرت ليها مختلفة رغم النظام الي هو عليه الكل مغروم بهبالها ...يأمن بالاختلاف و بنسبة ليه الأخلاق ميحددهاش بالمظهر أما بأفعال الناس

و ممرساتهم تجاه بعضهم بنسبة ليه دنيا ارجل من عصام اللحاس على حسب قول...دفاع بصدق على اراءها...واختيارتها... أول وحدة يلجألها الخدامة وقت الي يتضلم... و أول وحدة ينتقدوها في سلوكها... بن عمي كان يمن بها و يشاركها في أفكارها الكل... هو يحب الوضوح و خدام  كانت مععششت في روسُ و كيف يحكي فم معلى بضحك...   حتى هي تحسُ المفضل عندها...قهوة الخدمة و سيقارو كان معاه... و بعد وليت انا زادة.... محاسنهم متعنينيش و تنفخلي راسي حق الخدامة و الثورة و الأحزاب و تهميش و حق المرأة..... الانتخابات كل يوم تقريبا نفسهم يتعاودو وعليّ منلقة ما نقول.... نمشي نقعد مع نزيهة و الباقي ارحملي .... على أقل مايفهمو منها شي نجم نفلم علاهم بشوية كلام من عند بن عمي و دنيا....