Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

المْنامة #21

emna-frawes-romanEmna Frawes - آمنة فراوس


الشميسه طل بالسرقه من وراء السحاب.

هبطت الدروج درجه درجه...في راحه من عقلي ...غناية فيروز مزالت ادندن في وذنيا.

في باب البلاص ... بدني عكش منجمتش نفوت الباب...مشى في بالي   نستخايل كي شفتها...لا والله هي ... ...مستحيل  ...

اجابها جرتي؟...مكفهاش؟
...هذي يا بهلولة و الا تبهلل؟
..عينيا خرجت من بلاصتهم ...

والفيلم رجع من لول.

قدمت خطوتين عملت روحي ماشفتهاش.حبيت نكمل ثنيتي...و نبقى على الحاله الي خرجت بها من داري...ماكش باش تتنرفز...توا  الابطال الافلام حقيقين شنوا نواريهايعملوت قدامي
عينها في  عينياو هي قد الطرف ...راسها الفوق تخزرلي بكل جرأة و واقحة...

امشي ...تحب تمشي امشي... عامل روحك مش شافين...كيني نحصر في ولد صغير...

ما يجيش راهو هكا.

تعرف الي انا عندي ثلاثه ايام كل صباح نجي نستناك....للعشرة و انت ريحتك مفماش؟

شبيك ما تمشيش تخدم؟

نورمال انت؟

في بالي مت ...كان مسمعتش صوت  الغناء   اليوم كنت باش نبلغ  عليك.

زيد ندق ندق و متحلش.

انت تجي ادق كل يوم...؟

قدام داري و شريتلي عركه!!sava pas non...?

Je suis très  bien,sur tous avec ce comportement...أمشي أمشي خلينا  قهوة ...لازمنا نشربو

منحبش ...منحبش نمشي معاك. أخطاني راجع نخدم على روحي.

هما ثلاثة و الاربعة مش باش يبدل شي.

شاده لحساب زاده bravo, و كان جيتني على خاطري لا....

مانيش ماشي .

جبدتني من يدي ... بكل واقحه من غير خوف من ردت الفعل متاعي... هي متعرفش شنوا كنت نجم نعمل معاها في اكا اللحظه...

قتلك هي ...

كعبورة ...تكركجهامة بقوتها الكل و انا عاطي الطوع.

...تبعتها و أنا بين نارين...

شي يقلي برا  كون معاها اعطاها فرصه  أخرى اسمعها.

و شي يقلي أنفض عليك...

مصدق الربي خرجت منها...

كلاتني بكلام ثنيه كامله ...

تحكي وتحكي  متسكتش

و أنا ما فهم شي ...

وصلت بيا للقهوة ...نتبع فها كلولد الصغير ...الي ضيع شلاكت بعد ماطش متع كورة ...

طيشت صاكها على الكرسي.

قعدت الكرسي لاخر...حطت كشكولها في حجرها ...جبدت سيقارو شعلت... وجها ...باش يطرشق من الغش...

أنا واقف نتفرج فها

_أقعد و الا نقعدوك زاده.

قعدت.

_أحكي نسمع فيك.

شنوا ه التعالي الي هي فيه!!!؟

شنوا تحب نقلك!!!؟.

_قلي الكلام الي مخلاكش تخرج من الدار و تسكر على روحك. مخلاكش تعيش أيامك كلعاده.

_لباس عليا...حبيت نقلها كلام كبير و يوجع...كلام ماعادش يخلاها تتلفتلي بلكل...كلام عمرها يمكن ما سمعت من حد ....و نعيط علاها قدام الناس...

وحتى نبكاها...

ساكت...نطلع و نهبط نخزر...لعيونهاالكحلة المذباله

_إسمعني ....و فهمني مليح للكلام الي باش نقلهولك.

تتفست مليح و بديت:

_أيامي معادش كلعاده،

من نهارت الي شفتك عندنا ...حاجه فيا تخلخلت ... إحساس في حياتي عمري

ماحسيت....وليت نحلم بيك ،نتخيل فيك،نتصور في حياتك كيفاش تقوم الصباح...

شنوا تحب تاكل...شكون اصحابك ...

الي تحبها...الاغاني الي تسمعها....حياتي معادش بلكل كبلكلقبل...هزيتني الريحهنت تتمايل،تبسيمتك مافرفتشعيني ...شعرك لكحلالمنثور ...كل حاجه  فيك طيرتني...

لا عاد نعرف  روحي  لا فرحان و لا متغشش ظاهرلي ...

نحبك.


آمنة فراوس

المْنامة #21