نتي الونس

Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

Raniya Jawadi - رانية الجوادي

من هاك النهار الي حبيتك فيه

رجعت نكتب ..

رجعت نرتب في احلامي

بالحلمة بالحلمة

رجعت نخنتب في كدس اوراق

الي كانو مطيشين

بجنبهم كدس تصاور مقطعين

و سواڨر مبشطرين

شطرهم تكيفتهم

و انا نضحك من عينيا

و شطر لاخر تكيفتهم

و الدموع سايلة من عينيا

تك.تك ( نفس من سيڨارو)

سيڨارو هذا نتكيف فيه

و نعشق في تصويرتك

في تصاورنا

و اكا الحاجات الي موثقين في تصويرة

و نخمم فيك ..

كيفاه قلبت حياتي

و خرجتني من الغيوم و الهموم

و اكا ليالي المسودة الملودة

الي لا فيها قمر و لا نجوم

و قتلي انتي ما كش وحدك اني معاك

تعرف حاجة

نتي الونس في الوحدة

والساعد القويّ في حفرة الضعف

نتي الونس

و النفس يا نفس

رانية الجوادي

Drop here!

Tags: