Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
لف ع قلبك
Raniya Jawadi - رانية الجواديفي ليلة مطر قوية .. و دخاني مالي البيت
و غاطسة مع موزيكتي و قهوتي
يرجع بيا مخي وقت :
قالو الحب راو موجود كان في الكتب
قالو الوحش راو تتوحش ميت
باقي الكلو كذب
قالو اصعب فراق فراق الميت
باقي راو كلو مع الايام يتنسا
قلتلهم :
كي نرى القمرة نعرف راو توحشني
و كي قلبو يدق يعرف راو نحبو
كي تزرق فيا الشميسة راو هو محتاجني
و كي يهب الريح راو متوحش ريحتي
و كي تصب المطر راو يحب نروي عطشو
.. و مع كل نفس يخرج اني نخمم فيه
نخمم فيه و اني قريبة ليه
و انا بعيييييييدة عليه
اما ..
تخماام من تخماام ..
تخمام غي الايمات الزينة
البنيية ..
تخمام في هاااك الاياام
ايام نرش من برنفانتو
و نقلو بش يعرفو الي اني ع ذمة راجل
اياام .. تتلقا العنين ..
في زقاق المدينة العربي ..
نزرب في خطوتي
بش ندخلش بعضي كي نرا عينيك
تخمامي يشرد زادا
في هاك التعنيقة في الدروج
و مشيتنا ع البحر اول ما عرفتك
و ضحكتك .. الي خذيت منها شبيها ..
و نخمم في دفااك خديك ع خدي
حنانت يديك ع يدي
اما تخمام ياقف بيا
بشويت السيقارو الي في يدي
نرجع لكلام الي قالوهولي
لف ع قلبك الوحش رااو بارد
رانية الجوادي
Website Design Brisbane
Tags: