Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
قداه من شمعة طفيت
Raniya Jawadi - رانية الجوادينحنا زادا متنا و خرجنا في كردونة
نحنا زادا متنا غارقين في وااد
نحنا زادا متنا في كميونة
نحنا زادا متنا في كار
نحنا زادا متنا مفشخين في اصونصور
نحنا زادا متنا و تدفنا في قبر
نحنا في دولة تقتل صغارها مازالت ما حلتش عينيها
نحنا في دولة تقتل في مغروم في واد و طالب العلم في واد
نحنا في دولة تقتل نساها في كميونة
نحنا في دولة تقتل شبابها في كار
نحنا في دولة تقتل فرحان بعيد ميلادو في اصونصور
انا نحب بلادي
نحبك يااا بلادي اما نكره سيستام الي فيك
نحبك يااا بلادي اما نكره الي صاير فيك
نحبك ياا بلادي اما كرهت ريحة الدم الي فاحت فيك
نحبك ياا بلادي اما كرهت الارهااب الي صاير فيك
نحبك ياا بلادي اما شنيا ذنب الدم الي يسيل فيك
نحبك ياا بلادي يا ارض بابا و امي و اجدادي
اما يزي ما شويت كبدتي و افادي
يا حليلي ع ولاد و بنات بلادي
يا بلادي قداه من شمعة طفيت
و من ميمة شويت
و من وخية بكيييت
و وخي جناحو قصيت
يزيك يا تراب بلادي ما ترويت من دم شبنانا و تغذيت
رانية الجوادي
Website Design Brisbane
Tags: