كل ما احتاجه هو يوم واحد ..

يوم واحد ينتزع شبح غيابك عني ..

يوم واحد اصرخ فيه اشتاق اليك ..

يوم واحد اخمد فيه نار الشوق .. احرق في محطات الانتظار .. ابعثر فيه حطام الغياب ..

و بش نشوفك اليوم بعد 3 سنين و اربعة شهر و جمعتين ... زعما كيفاش يعملو العباد اللي كانو احبو بعضهم  كي يتلاقاو ؟ يتعانقو و لا يتناساو بعد ما تفارقو .. ؟

زعما كيفنك ؟ شنوا اللي تبدل فيك ؟ شنحوال ضحكتك ؟ مازلت تسحر كيما هي ؟

و عينيك مازالو يلمعو كي الولاد الصغار كي تبدا تحكي على حاجة تحبها ..

و مازالو يحكيو في بلاصة لسانك كي تدخل بعضك و ما تلقى ماتقول ..

وشكون االي قال اللي الدنيا مقسمة لونين ؟

و تحيرني كي تقلي اختار يا ابيض يا اكحل مش الثنين ...

.و كي نقلك اللي بيناتنا ما انجمش اكون كان ڨري ؟

اصحاب ؟ احباب ؟ مش مهم الاسم ..

اليوم ؟  لا أعلم... يوم يشبه جميع الايام..

الطقس ؟  صباح حزين  بطعم قهوةمرة  أترشفها بعد صراعات الليل...

الساعة ؟ لا يهم..  ساعة كغيرها لا شئ يتغير فيها غير أعدادها

التاريخ ؟ 1 نيسان...

يا ابيض يا اكحل مش الثنين  مانحبش بين البينين ، يا ادخل يا اخرج ما تاقفش في الوسط  ، يا اقرب يا ابعد ماتجيش نهار و تغيب عشرة ، ياحبني يا اكرهني ما تكونش معايا بوجهين ، يا تلهى بيا يا تلفني ما تعلقنيش بيك نهار و تتخبى نهار ، ياكون حبيب ياكون غريب ماتلعبهاش صديق! ياحب يا صداقة مافماش حاجة اسمها حباقة...

من صغري نكرة الظلمة اللي ما نعرفش شنو مخبي فيها ، نكره الافلام و  المسلسلات اللي نهايتهم مش واضحة  ، نكره الثنايا اللي ما نعرفش اخرتهم ، نكره الظل اللي ما نعرفش مولاه ، نكره السكات اللي يخبي وراه برشا كلام ، نكره لعب الالغاز و الاحجيات اللي تخبي وراها حقايق يمكن ما نطلعهاش..