اي انسان يحب يتكلم و يعبر يضحك و ينبر  يبكي و في قلبو يصبر..

تخلقنا بميزات و يعوب تخلقنا باش نفرحوا لقلوب.. شكون يتحمل هبلتنا شكون يشاركنا حرقتنا..

شكون يضوي طريق و شكون يخرجك م الغريق..

لكلنا في حاجة اك ليد لي تتمد و الهم لي يتهد لكلنا نستناو في كلمة، حلمة، غرام على عهدو سرنا، 

قالوا عرست بلي تحب قالو الروح في بدنها يدب. قالوا الضحكة على وجها محلاها و سحرت بعينها لي جاها قالوا عرست بلي تحب و الفرحة ما فارقتها قالو مغرومة و الطرحة واتتها .. شافوها في ايدوا شدت و لحب لي ليها مدت  .. رقصوا لثنين و و ما حسوا بنهار و لا ليل.. قالوا لي الحب في عينها يلمع و في كلمة نحبك تسمع قالوا صحى ليها وصلت للي باغيها قالوا ملا زهر لا يقرى و لا يعرف بر من قوتوا يكسر لحجر..

قالوا تهنات يا سعدها للة لبنات ..في لحظة مالدنيا مشات و تصويرة عرسها خلات .. قالوا قالوا و لشر قلوبهم مالوا مخلاوها تحلم و تجنح و لا خالاو حبها يترنح .. بقلوبهم غصبو البر و حفرولها بيديهم لقبر ..  هاذا في جرت لحكاو و في جرت لحمها لي كلاو

ساعات كي تشد وردة تعز عليك تشوف فيها الدنيا تشوف فيها لي يخمم فيك.. شنو تقول وقتها بعد ما فات الفوت شنو تقول بعد ما توحشت اك الصوت

كي كانت عندك و مهملها. منسية بين طيات كتاب و سعات مرمية على طرف الباب.. توا مديت ايدك و هزيتها!! كيفاش لقيتها.. كنت تتصور لي نهار  عروقها تشيح.. كنت تتصور لي قوتها في لحظة طيح.. شنوا حسيت كي هزيت هاك الوردة لقيتها يابسة روح لي فيها حابسة كي شدتها و طاحوا وراقها و تفكرت لحظة فراقها..

علاش مشفتش لي كان بين ايديك علاش مكبشتش في الفرحة لي كانت تجيك

يا عشيري الوقت دواه الصبر و لا غصة وقفة في القبر ،،

عشت براسك و في كلامك حبوك ناسك ،،

خليك قوي عمرك ما تبكي و على خدك يراو دموعك،،

خليك عزيز احملها في قلبك و عمرك ما توري جروحك ،، في سرك ابكي بتنهيدة

تركتها جانبا ، حاولت التخلص من اثمها ، حاولت ان اشتت انتباهي ، حاولت ان  اركض في ارجاء الذاكرة لابحث عن احلام اخرى علها تخرجني من مأزقي ، او تنثر على لحاف النسيان ردائها الداكن ، اود فعلا ان أتحرر من تلك الرسالة الورقية  التي حبست انفاسي و ارهقت كيان الوجود في هته الحياة .