بفضلك أصبحت أحب رجالا لا أعرفهم ،الأسبوع الفارط  أحببت رجلا لا لشيء سوى أنه حزين مثلك عيناه متعباتان جاحظتان مثلك ،البارحة أيضا أحببت رجلا في الباص لا لشيء سوى أنه يستمع لأغاني شيخ إمام و يحفظها عن ظهر قلب مثلك ، اليوم أيضاً أحببت رجلا في المكتبة لا لشيء إلا أنه كان يستمتع بقراء ةروايات ديوستفسكي مثلك.. منذ رحليك عني و أصبح أشباهك موزعينن في البلدة بشكل مريع أصبحت ألتقيهم في كل مكان ،في الحي ،في الجامعة في الباص في كل مكان أذهب إليه ، حقا لم أعد أحتمل هذا !! أنا أكتب إليك هذه الرسالة و قد بلغ الشوق مني ما بلغ .

عزيزي جايك ،هل حقا الحب يصنع هذا الخراب الذي ألتمسه بداخلي أم أن سوء قدري و قلة حيلتي هما اللتان فعلتا بي هذا !

و نحب ‭‭‭‭‭‭‭‭‭‭‭‭‭‭‭‭‭100‬‬‬‬‬‬‬‬‬‬‬‬‬‬‬‬‬حاجة فيك ،صحة رقعتك و قلبك و هبالك الي مواتيك

ڨحرة عينيك و تذبيلة شفرتك و حمرة خدك و لمسة يديك

نحبك انت و انت الي متركن و انت الي مخبي فيك ،نحبك انت كيف تكون زاهي و انت مغشش و انت  باهت و خافي

و نحب ‭‭‭‭‭‭‭‭‭‭‭‭‭‭‭‭100‬‬‬‬‬‬‬‬‬‬‬‬‬‬‬‬حاجة فيك ،أحلامك الي سبقاتك و صوتك كيف تبدى تدندن و تغني يا ليلي يا عين ،نحب غرامك و حروفك و أقلامك ،نحبك

أني منسيتكش و نكذب كيف نقول نسيتك مزلت نتفكرك ،نتفكر نسمة هواك و غزرتك ،مزلت نمشي في زناقيك و نتبع في خطوايك مزال اسمك يرهوجني يخليني نسافر بلاد و مدن و عالدنيا يبعدني مزلت نشم ريحك و مزالت تهبط دمعة كيف نتفكر حديثك ،مزلت نحب البحر و قهوة العادة و تعنيقتك ليا على غرادة  مزلت نسمع غناياتك ندندن فيهم ليل نهار و مزلت ساجد في بيتك و مزلت نتوضى بكلمة حبيتك مزلت تفرحني الكلمة منك و نحيا بغرامك و فنك مزلت انت ساسي و مزال هالقلب راكع في محرابك

مزلت انت الدنيا و مزلت انت الموت مزلت انت الوردة و مزلت انت الشوك مزلت انت بلادي و مزلت انت الحاضر و الماضي خاطر منسيتكش و نكذب كان نقول نسيتك الي كيفك ميتنساش يتحط وشمة يقعد نغرة و همسة يقعد نبرة نار تحرق و رماد في العينين يتسرسب و نكذب كان نقول نسيتك مزلت نتفكرك و نتفكر حديثك أحلامك الي نساتك و دنيتك الي غلباتك نتفكر صوتك العالي و ليالي الشيخ و الكاس  كيف تحكيلي على الثورة و الاستقلال و نختمها أني بضحكة و نقلك يزينا من هالهدرة و ايجا نحكيلك عليا و نترمى عندك و نقلك انت الي ليا و انت الي بيك باش نبدى الثنية و نبات الليلة نغزرلك كايني نحفظ في ملامحك نخاف لا الدنيا تنسيني فيك و تحطني في حياة خلافك و برة يا زمان و ايجا يا زمان و فرقتنا الأيام أما مزلت نتفكرك مزال وجهك مرسوم في حيوط دنيتي و كلامك مغروس في جنينة حلمتي و مزلت ليك و مزال هالقلب يستنى فيك و مزلت نحبك ..