Houssem Hfaiedh - حسام حفيظالكلنا ما اخترناش نعشو الحكاية الي نعيشو فيها توا ...نحلمو نبدلوها ونقصوها ونزيدوها شويا هذا اذا كان موش برشا ...الكلنا تضرينا وتعبنا وطحنا وزادة بكينا ...بكينا خاتر لازمنا نبكيو ..وخاتر الدنيا مهيش بسهولة الي مزروعة في امخاخنا ..هو صحيح هي مزيانة كي الوردة اما وردة كحلة توري الدوني والخايب ...توري انيابها بعد ساعة ضحك ..انيابها الي يتغرسو في قلوبنا من غير رحمة ولا شفقة ...
انيابها الي كيفهم كيف الرمح الماضي ..يتغرس في وسطنا من نغير لا يدق باب لا يسمع جواب ...يدخل طول ويخترق عروقنا باش يكسر كل شيئ فينا زرعناه وتعبنا باش بنيناه ...وتعرينا باش يعيش ويكبر ...الحلم هذا هو الحياة الهانية المتجردة من كل ماهو خايب لابسها ومن كل ماهو شر فيه حابسها...الكلنا تعدينا بلحظات خايبة وبتجارب فاشلة ..عجزنا انى نكملو ثنيتنا خاتر سفينتنا خرقت وسط بحر الدنيا البلاعة...ها الدنيا المتوحشة الي ماهي مفلتى حد لا كبير ولا صغير ..ها الدنيا الفكاكة ..
Houssem Hfaiedh - حسام حفيظ
Houssem Hfaiedh - حسام حفيظ
Houssem Hfaiedh - حسام حفيظ
Houssem Hfaiedh - حسام حفيظ