Cyrine Soussi -   سيرين السوسي

الشمس تطلع .. و القمرة تطلع .. وحبك من روحي عمرو ما يطلع .. سيولو سرات بحور فيا .. أما إنت غدرت و مشيت عليا .. تعرف ؟ حاولت نكذب علی روحي و نسيها فيك
قلت حياتي قدامي و بالطول و العرض نعيشها بلا بيك

قلت حكايتك كيف حكاية برشا ناس عرضوني .. عرضوني... عثروني ، و بكلمة سامحني فارقوني قلت يزي منك بسمتك غدارة .. من برة مسرارة و من داخل مصفارة .. قلت ما يشتاهلنيش ،و كالمهبولة خلاني نشكي في همي لفنجان قهوتي و القهوة بهمي تحلالي كذبت و قلت و قلت و قلت .. و هالكذبة طوالت و طوالت أما علی قلبي ما تعادات و بقيت أنا علی حالي عاشقتك بسكات