Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
ﻭ ﻛﻲ ﻳﻀﻴﻖ ﺑﻴﺎ ﺍﻟﺪﻫﺮ
Malek Boudhina - ملاك بوذينةﻭ ﻛﻲ ﺿﺎﻕ ﺑﻴﺎ ﺍﻟﺪﻫﺮ .. ﺩﺭﺕ
ﺩﺭﺕ ﻭ ﻣﺎ ﻟﻘﻴﺘﻜﺶ ، ﻓﺮﻛﺴﺖ
ﻋﻠﻴﻚ ﻓﻴﺎ ﻭ ﻟﻮﺟﺖ ﺑﻌﻴﻨﻴﺎ ﻭ ﻣﺎ
ﺭﻳﺘﻜﺶ .. ﺳﻤﻴﺖ ﺏٱﺳﻤﻚ ﻭ
ﻓﻲ ﺧﻴﺎﻟﻲ ﻟﻤﺤﺘﻚ ، ﺃﻣﺎ ﻣﺎ
ﻋﺮﻓﺘﻜﺶ .. ﻛﻲ ﺿﺎﻕ ﺑﻴﺎ ﺍﻟﺪﻫﺮ
ﺿﺮﺑﺘﻨﻲ ﺍﻟﺤﻴﻮﻁ ، ﻋﻴﻄﻠﻚ
ﺑﺎﻟﺼﻮﺕ ، ﻓﺮﻛﺴﺘﻚ ﻭﺳﻄﻲ ﻭ
ﺗﺤﺖ ﺍﻟﻔﺮﻭﺷﺎﺕ ﻭ ﺑﻴﻦ ﺷﻘﻮﻕ
ﺍﻟﺒﻴﺒﺎﻥ ﻭ ﺍﻟﺤﻴﻮﻁ ، ﻟﻮﺟﺖ ﻋﻠﻴﻚ
، ﺑﺤﺬﺍ ﺍﻟڨﻤﺮﺓ ، ﻭﺳﻂ ﺍﻟﺤﻠﻤﺔ
ﺑﻴﻦ ﺍﻟﺤﺮﻭﻑ ﺗﺤﺖ ﺍﻟﻜﻠﻤﺔ ، ﺗﻲ
، ﻟﻮﺟﺘﻚ ﺣﺘﻰ ﺗﺤﺖ ﺍﻟﻤﺨﺪﺓ
ﻭﻗﺖ ﺍﻟﻔﺪﺓ ، ﻭﻗﺖ ﺍﻟﺸﺪﺓ ، ﻓﻲ
ﻛﻞ ﺿﻤﺔ ﻭ ﻛﺴﺮﺓ ﻭ ﺷﺪﺓ .. ﻭ ﻣﺎ
ﻟﻘﻴﺘﻜﺶ .. ﻭ ﻋﺮﻓﺖ ﺍﻟﻠﻲ ﺻﻮﺗﻲ
ﺑﺤﺎﺡ ﻭ ﻛﻼﻣﻲ ﻣﺎ ﻭﺻﻠﻜﺶ ، ﻭ
ﺩﻣﻮﻋﻲ ﺷﺎﺣﺖ ﻭ ﻋﻴﻨﻴﺎ ﺑﻼﺣﺖ ﻭ
ﺍﻧﺘﻲ ﻓﻴﺒﺎﻟﻚ ﻭ .. ﻧﻘﺼﺪ ﻣﺎ
ﻓﻴﺒﺎﻟﻜﺶ .. ﻭ ﻭﻗﺘﻬﺎ ﺍﺷﺘﻬﻴﺖ
ﻧﺤﺒﻨﻲ ﻛﻴﻤﺎ ﺣﺪ ﻣﺎ ﺣﺒﻨﻲ .. ﺣﺒﻴﺖ
ﻧﻌﻨﻘﻨﻲ ، ﻧﺪﻓﻦ ﺭﺍﺳﻲ ﻓﻲ
ﺻﺪﺭﻱ ، ﻧﻤﺴﺢ ﺩﻣﻮﻋﻲ ﺑﻜﻔﻮﻓﻲ
.. ﻭ ﻓﻲ ﻗﻠﺒﻲ ﻧﺨﺒﻴﻨﻲ ﻭ ﻧﺤﺒﺴﻨﻲ
، ﺣﺒﻴﺖ ﻋﻠﻰ ﺿﻠﻮﻋﻲ ﻧﻜﺒﺴﻨﻲ
ﻧﺒﻮﺱ ﻋﻴﻨﻴﺎ ﺑﻠﻬﻔﺔ ﻭ ﻛﻲ ﻧﺠﻲ
ﻧﻄﻴﺢ ﻧﻠﻘﻔﻨﻲ .. ﻧﺸﺪﻧﻲ ﻣﻦ ﻳﺪﻱ
ﻧﺘﻜﻴﻨﻲ ﻋﻠﻰ ﺻﺪﺭﻱ ، ﻧﻠﻌﺒﻠﻲ ،
ﺑﺸﻌﺮﻱ ﻭ ﻧﺤﻜﻴﻠﻲ ﺣﻜﺎﻳﺎﺕ ﻣﻦ
ﻧﺪﻱ ، ﻭ ﻧﻮﺷﻮﺷﻠﻲ ﻓﻲ ﻭﺫﻧﻲ
ﺍﻟﻠﻲ ﺣﺪ ﻓﻲ ﺍﻟﺪﻧﻴﺎ ﻣﺎ ﺣﺒﻨﻲ ﻗﺪﻱ
ﺣﺒﻴﺖ ﻭﻗﺘﻬﺎ ﻧﻨﺴﻰ ﺍﻟﺪﻧﻴﺎ ﻭ ..
ﻧﺘﺬﻛﺮﻧﻲ ، ﻭ ﺑﻀﺤﻜﺔ ﻋﻠﻰ ﻏﻔﻠﺔ
ﻧﻐﺪﺭﻧﻲ ، ﻧﻘﻌﺪ ﺑﺤﺬﺍﻳﺎ ﻧﺤﻜﻴﻠﻲ ﻭ
ﻧﺴﻤﻌﻨﻲ ﻭ ﻧﻔﻬﻤﻨﻲ ﻛﻴﻒ ﺍﻧﺘﻲ
. ﺗﻮﺣﻞ ﻭ ﺍﻟﺪﻧﻴﺎ ﺗﺠﻲ ﺑﺶ ﺗﺎﻛﻠﻨﻲ
، ﺣﺒﻴﺖ ﻧﻜﻮﻧﻚ ﻣﺮﺓ ﻓﻲ ﻋﻤﺮﻱ .
ﻧﻜﻔﺮ ﺑﺎﻟﺪﻧﻴﺎ ﻭ ﻧﻜﺬﺏ ﺍﻟﻌﺎﻟﻢ ﻭ
ﻧﺤﻠﻒ ﺑﺮﺑﻲ ﻭ ﻧﺼﺪﻗﻨﻲ .. ﻭ ﻛﻲ
ﻳﻀﻴﻖ ﺑﻴﺎ ﺍﻟﺪﻫﺮ ﻭ ﻧﺪﻭﺭ ﻭ ﻣﺎ
ﻧﻠﻘﺎﻛﺶ ﻧﻠﻘﺎﻧﻲ ، ﻧﺤﻤﻠﻨﻲ ﻭ
ﻧﻌﻨﻘﻨﻲ ﻭ ﻓﻲ ﺷﻮﻧﻲ ﻧﺮﻗﺪﻧﻲ ﻭ
ﻧﻤﻦ ﺍﻟﻠﻲ ﺍﻟﺪﻧﻴﺎ ﻗﺒﻞ ﻣﺎ ﺗﺨﻠﻘﻚ
.. ﺧﻠﻘﺘﻨﻲ ، ﺧﻠﻘﺘﻨﻲ ﺑﺶ ﻧﺤﺒﻨﻲ
ملاك بوذينة
Website Design Brisbane
Tags: