Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

و كي تعكس بيك ايجا ..

poeme-amourMalek Boudhina - ملاك بوذينة

هات همومك نحرقهم في قلبي .. و ايجا نوشملك فرحتي علی جلدك و نزيد نزهيلك الدنيا بكلمتك .. ايجا نصنعلك مالغبار شراره تقويك .. و نهبطلك مالسماء غيمه اطيرك و تنجيك .. نكتبلك بدمي سطور طويله و نزيدها نقشه مزيانه .. و نكبش في يديك كالميمه الخرنانه ..

و الا نقلك .. ايجا و اش عليك .. كان وحلت بش انسيك في همومك هام عينيا يبكيو مع عينيك .. نعبيو منهم بحيره صغيره .. نعومو و نتبحبحو فيها و نغرقو فيها بكانا و نخرجو لباس علينا .. نكتبلك علی كل كعيبه رمل نكته و نخليلك ورا كل ضحكه سكته .. تنسيك في اللي وراك و اللي قدامك .. مش تحب تنسی ? ,, ايجا حط راسك علی كتفي و عدي تخمامك لمخي .. مالا انا علاش لنا .. ايجا نحكيلك حاجات مش بش يصيرو ..

ملايكه مزيانه تطلعلنا عقاب الليل تمدلنا شكلاطه و نلحسو صوابعنا كالصغيرات من كثر ماهي بنينه .. و الا قطيطسه صغيره ادور عالشط هي و وليداتها يعومو شويا و كي يتبلو يجيو يشيحو رواحهم علينا .. و الا شقولك كان نحكيلك عالبنوته الصغيره اللي تشبه للقمره في زينها ..

و طول شعرها اللي عاملتو كياس توصل بيه للنجوم توشوشلها و تجي تحكيلنا .. اتكی اتكی خ نزيد نحكيلك عالمرا  الكبيره المحلاها اللي ريحتها مسك و عنبر و عالخلخال اللي مواتاها .. و الوشمه قديمه علی جبهتها و ريحانتها الفضه اللي باللي يصير ما تعطيها .. ياا شو اش جابلنا البحر .. شويه لوح قديم .. تي باز حب يقص علينا حكاياتنا خاطر نغر .. يااا تطلعشي بقيه فلوكه تيتانيك جابهالنا الماء .. حب يورينا اللي هنا الحب بدا عالبحر و هنا زادا وفا .. ايجا نلمو هاللوحات و نصنعو بيهم دويره عالشط كيما في الافلام .. و نزيدوها شمينيه مزيانه و توليلي رسام .. ننقشو عليها اسامينا بركا و نخليو من روحنا بالاقلام .. تا نقول لقطيطستنا تصطادلنا كعيبات حوت .. و نشويوهم علی ضو الشميسه و نعليو بغنانا الصوت ..

مازالت مهموم ? ,,  تي هاي روحي هزها عندك و تا نطلع انا نعيش بحذا النجوم ..

ملاك بوذينة

و كي تعكس بيك ايجا ..