و يجيك نهار و تلقى الي يعشق تفاصيلك ؛ ويتقبل مزاجيتك ثورتك و عنادك أسلوبك و كسوحية راسك ؛  رزانتك و عقوليتك؛رزنك و مسوطيتك؛ هبالك و تبهليلك؛ ضعفك و تدبديبك؛  سموريتك و حتى تكحليشك تلقى الي نسيك الي جبدت بيهم و الي جبدو بيك و خذلتهم و خذلوك؛ ياخذك كيف ما إنت هكا بشومك بلومك بلي فيك بالباهي وبالخايب الي فيك

تحس بأمان داخلي ما حسيتوش غير مع امك و بوك

وقتها تعرف الي ك نهار جا ؛ نهار الي تبكي قدامو من فجعة من وجيعة و حتى مالفرحة و عادي حتى كان نهار اذاكا هو اول نهار تتقابلو فيه،غير الحب من اول نظرة يا سيدك طلع فما امان زادا من اول خزرة من اول خرجة من اول بكية

هو بيدو اذاكا اول واحد تفرحو كتصيرلك حاجة باهية حتى كان تافهة

و هو الي يجي لبالك تكلمو ك يموتلك حد وقت تحس الي مات مشى ماعاش يرجع و حتى النفس ماعاش تنجم تتنفس تكلمو هو و حتى كان الي مات ميمي قطوسة داركم