و يجيك نهار و تلقى الي يعشق تفاصيلك ؛ ويتقبل مزاجيتك ثورتك و عنادك أسلوبك و كسوحية راسك ؛  رزانتك و عقوليتك؛رزنك و مسوطيتك؛ هبالك و تبهليلك؛ ضعفك و تدبديبك؛  سموريتك و حتى تكحليشك تلقى الي نسيك الي جبدت بيهم و الي جبدو بيك و خذلتهم و خذلوك؛ ياخذك كيف ما إنت هكا بشومك بلومك بلي فيك بالباهي وبالخايب الي فيك

تحس بأمان داخلي ما حسيتوش غير مع امك و بوك

منحبكش مراج وخرنان و حزار و ما نحبكش مستهتر و ما تغيرش عليا..منحبكش شيطان و تخدم مخك معايا و منحبكش ملايكة و بوهالي..ما نحبكش بهبار و ثرثار ومنحبكش سكوتي و متعبرش..ما نحبكش تبع سياسة و تحكي برشا في الكورة اما لازم تكون  صاحب موقف و عندك قضية و تحب جمعية..

نحبك كتصبح على العباد الي ما تعرفهمش وما نحبكش كتحل هدرة طويلة و فارغة مع التاكسيستية.. نحبك تتوفه كان معايا و تسمعني للخر و انا نلبز.. تلوج معايا في الحوانت على سباط ولا منقالة صنعتها في مخي..