Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
نحبّك
Amal Riahi - امل الرياحينحبّك كلمة بنينة في الفم تتقال
حتى كي مانقولوهاش نجمو نحسوها م الأفعال
كلمة نحبّك موّال
يدقلها القلب بالقوي كي تخرج مرّة في الفال
نحبّك مش معناها خطبة و عرس و صغار
و كي قتلي نحبك مش معناها عملت آفار
و لا كي قلتها في وسط بارشا ناس عملت العار
كلمة نحبك خفيفة و مش وراها أسرار
و لاهي معبيّة ببارشا خنّار
نحبّك قلتها لبابا و انا صغيرة كي عطاني ميّة
نحبّك قلتها لصاحبتي كي رماتلي بوسة في الشارع و هي متعديّة
نحبّك قلتها لأمي كي تغششت عليّا
نحبّك قلتها لاختي كي خرجتني م ديبريسيون و حوست بيّا
نحبّك قلتها لخويا كي قام م النوم بش يشريلي شاميّة
نحبّك قلتهالك كي في عز وجيعتي حسّيت بيّا
و كي خليتك و مشيت خلط عليّا
نحبّك مش لازم مصلحة وراها
و لا قلتها لصاحبتي بش ناخذلها بهواها
نحبّك قلتها للدنيا كي عجبتني سماها
و قلتها لخويا حتى كي جابلي الشاميّة و كلاها
نحبّك قلتهالك و قالو الحب عماها.......
أمل الرياحي
Website Design Brisbane
Tags: