Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
نجمتك
Amal Mzoughi - امل المزوغيسما و ڨمرة و نجوم
تخمام و قلب مهموم
تشيع عينك للسما و تخطف نضرك ازين نجمة
و تزيد تغرق في تخمامك و تزيد هاكة النجمة تخطفلك اهتمامك..
و يخطر على بالك هاكة لي مخبي في قلبك، في روحك، وما بين ضلوعك ..
و تقعد مركز مع النجمة.. وتنسى بقية النجوم و الڨمرة
تتجسد فيها تفاصيلو، ترى فيها وجهو، ضحكتو، غشوا و فرحتوا..
تتخيل فيها ريحتوا.
تتمنى لو كان جيت تنجم الطير و تخلط لنجمتك و تعنقها تفكها مالسما و ما بين النجوم، وفي قلبك تسكر عليها ترقدها..
توا نجمتك بعيدة عليك.. و ببرشا وحشة و حب تخليها ما بين يديك
رد بالك تخسرها تضيعها ما بين باقي النجوم
حياتك وقت الليل.. وقت نجمتك تظهرلك فالسما
تقعد ليلة كاملة عايش بيها.. تحكيلها و تشكيلها و هي منك متفد.. تقعد كل ليلة طل عليك كينها حاسة بيك ..
نجمتك لي مضويتلك ضلامك رد بالك تخسرها..
امل المزوغي
Website Design Brisbane
Tags: