Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

نتفكر و نتفكر..

lettre-amour-confessionsAmal Mzoughi - امل المزوغي

نتفكر و نتفكر

نتفكر همست نحبك بالعنين

و شدت اليد من غير حين

نتفكر غزرة العين

و كلمة محلاك بصوتك الحنين..

و التعنيقة ما بين اليدين..  

نتفكر تبسيمة الشفتين

و الفرحة الي خارجة مالقلب فرحتين

نتفكر و نتفكر..

نتفكر خوفك عليا مالعنين..

و غيرتك لي ترد المشكلة ثنين

نتفكر حكاياتنا الحلوين..

لي كانو لا يفاو لا في ليلة و لا في ليلتين..

نتفكر عدد الخطوات لي خطيناهم مع بعضنا الثنين

و قداش من كلمة نحبك و احنا فالطريق ماشين

نتفكر و نتفكر

كنا كالعصيفرات طايرين ..

و من عنين العباد علينا خايفين..

كنا في حبنا غارقين..  

و بحبنا عايشين..  

خممنا في طريق وحدنا نمشيو..

و في جنتنا نقعدو و نحكيو..

نضحكو و نبكيو

تي خممنا حتى دارنا غادي نبنيو

و ذكرياتنا الكل غادي نخبيو..  

نتفكر و نتفكر..  

نتفكر البوسة لي عالجبين

وقت الدموع عالخدين

نتفكر نبرت الصوت الحزين

لي يتغرس في قلبي كالسكين  

نتفكر صدرك المتين

لي نغرس فيه راسي كي تضيق بيا الدنيا من حين لحين

نتفكر لون العينين

لي كنت كي نراهم نرجع للحياة مرتين

امل المزوغي

نتفكر و نتفكر..