Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
ما فهمتكش
Ameni Souelmia - أماني سوالميةحكايتي معاك نكتبها و الحيرة عنوان ليها..
والله حرت فيك و معاك..
لا عرفت كيفاه نوصلّك و لا عرفت طريق ليك..
حرت معاك..حرت فيك..
مرة تعطيني أمل كبير ..
و مرّة تحسبني مش موجودة رغم اللي بيناتنا خطوتين..
ّفي خزرتك حب..
في خزرتك برشا حبّ..
موش ليّا!!!
برشا حبّ و حاجات أخرى نا فهمتهمش..
تقول عليهم بالهيروغليفيّة..
عمرك لا عاملتني كيفهم ..
كيف لبنات لخرين نقصد ..
ملّي دخل الحبّ بيناتنا و فاحت ريحتو ..
أنا نقرب و انتي تبعد ..
تضحك و عامل جوّ كي تسلّم عليهم
و تجي قدّامي تمدّ يدك و تولّي تتموسط و تتجبّد..
معادش تلوّج تقربلي كيف قبل..
نهزّ عيني فيك ..
الحيرة ماليتها..
نحاول نطيّر شويّ من وحشي ليك
و نشبع بيك..
تفيق بيّا..
تجي العين في العين..
أنا نموت وقتها..
نهبّط عيني نتلها في حاجات اخرى غير عينيك..
خاطر وجيعة الوحشة قاعدة تكبر ب وجيعة خزرتك اللّي تبدّلت عليّا..
حرت فيك،حرت معاك..
لا فهمت نوخّر و إلّا نقدّم..
نصبر و إلّا نسلّم..
نسكت و إلّا نتكلّم..
ْنبقى أنا كيما أنا ضعيفة في حبّك و إلّا نِتْهَمِّم..
ساعات نشوفك انسان مالك عقلو..
يفهم و يعرف يحبّ..
و ساعات نراك انسان طايش مكبّش في عنادو
مش مسؤول و ما يعرف يقدّر يحبّ..
ما فهمتش..
ما فهمتكش..
حرت..
و معادش منجمة نسكت..
و معادش لاقية ما نتكلّم..
أماني سوالمية
Website Design Brisbane
Tags: