كيف كل يوم يا حنين ..نتوحشك و نلوج عليك و مش عارفة انت وين ..

ماللي نطلع في التران و انا تايهة بين الوجوه و بين العينين ..نلوج نلوج نلوج و نزيد نضيع و ما نلقاكش..

مش عارفة علاه نستنى فيك ..نستنى شنراك و شنشد يديك ..نستنى شنحكيو شنضربك و شنبوسك و بش تقلي سكيزوفران و بش نزيد نضربك و نبوسك و نتخبى عندك ..

نتخبى من وجيعتي اللي وجعتني بيها ..نتخبى مالبارح الخايب اللي قاعد يجري ورايا و يجري بيا ..البارح الخايب اللي بعدنا فيه ..اللي سلمت فيا ..اللي وجعتني فيه ..اللي في لحظة كنت بين عينيك و في لحظة حليت عينيا

في ظلام..

حكايتي معاك نكتبها و الحيرة عنوان ليها..

والله حرت فيك و معاك..

لا عرفت كيفاه نوصلّك و لا عرفت طريق ليك..

حرت معاك..حرت فيك..

تتجبّر..
تتكبّر..
!! بصحتك
!! عطاك الله قوة في بدنك
..شفتني قدامك كاين ضعيف