Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
ما تنجمش تكون حبيت
Aicha Ben Amor - عائشة بن عمرما تنجمش تكون حبيت اذا كان ما غصطش في لخر و بكيت
ما تنجمش تكون حبيت اذا كان ما تحيرتش و توجعت و مشيت
ما تنجمش تكون حبييت اذا ما سهرتش الليل و حنيت
و كتبت أشعار و طيرت أطيار من قفصها و تخبيت
ما تنجمش تكون حبيت اذا كان ما عمتش عكس التيار و شقيت كل الأنهار
و هبلت على قاعدة و جنيت
ما تنجمش تكون حبيت لو كان ما رسمتش قلوب تشقها أقواس و رميت
ما تنجمش تكون حبييت لو كان ما غرتش عليها و عاركتها و جافيت
ما تنجمش تكون حبيت اذا كان ما شديتش يدها و عنقتها و صافيت و عشت في حضنها و هربت و نسيت
ما تنجمش تكون حبيت لو كان حياتكم باردة قوالب ثلج حاضرة و كيف الماء عالزيت
الحب يا روحي هبلة و عيشة خاطية الناس الجامدة كي الحيط
عائشة بن عمر
Website Design Brisbane
Tags: