Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
سامحــونا
Aicha Ben Amor - عائشة بن عمرسامحونا ...
قلقناكم و من نومتكم فيقناكم
سامحونا....
مرجناكم و بماطلبنا شوشناكم
سامحونا. ..
كان نهار جيناكم و بمواجعنا حدثناكم
سامحونا....
موش بلعاني حكينا و ستنيناكم تعملونا حل مادامنا انتخبناكم
سامحونا...سامحونا
حيرنا قعداتكم و جوكم و شيخاتكم و لهيناكم و ترجيناكم تاقفوا لتونس من علياكم.
سامحونا....
في قمة اجتماعاتكم و جلساتكم و تشكيل و تغيير حكوماتكم سمعتوا نداءاتنا تنقوذونا من كوارث قراراتكم و مناوراتكم.
سامحونا....
موش بلعاني ثيقناكم و تصورناكم توفوا بوعودكم الي كانت مالية محيااكم و تصدح بيها ابواق رجالاتكم
سامحونا...
طولنا عليكم ثناياكم و كثرنا من الشكاوي الي مسهرة عويناتكم
#كل_يوم_يقتلون_بنا_جزء_يا_وطني
عائشة بن عمر
Website Design Brisbane
Tags: