Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
كيما ليوم
Wejden Gasmi - وجدان قاسميLes souvenirs
كيما أول ستيلو شديتو وأول تخنطيبة كتبتها
كيفها كيف أول خطوة مشيتها وأول كلمة نطقتها
كيما ليوم
كيما أول غزرة وين تلقات لعنين ودقة القلب لولة
وكيما الحشمة في أول خرجة وين تتلامس لدين في بعضها
كيفها كيف بنة البوسة لولة
الحاجات لولة بنكهتها لبنينة
النهج إلي مشيناه وتسمى علينا
البلاصة إلي نتخباو فيها
صوت موجة البحر إلي كان يهدينا
الضحة القوية إلي تخرج كل مافينا
الخرافةالي تتحكى في عقاب الليل
أنت وأنا
أول حكاية أول نظرة
أول تصويرة تخطفت على غفلة
أول جملة تكتبت
الحب إلي حكى علينا
وغزرة الناس لينا حديثهم في التراكن علينا
والنجوم لكانت تسمينا
كل حاجة كانت فرحانة بينا
وكيما لكل بداية نهاية
كيما الحروف تبدأ ب أ وتوفى ب ي
كيما حكايتنا لوفاات
وجدان قاسمي
Website Design Brisbane
Tags: