Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
إنت مرضي
Wejden Gasmi - وجدان قاسميالرأس شاب
الساقين حفاو
عفست عالشوك لين ولا رماد
عيطت لين صوتي بحاح
لا ريتك لا عاليمين ولا عاليسار
نمشي هائمة ضائعة
حرقتني الشمس الحارة
عروقي هابطة
دموعي سائلة
تبلي في ريقي الشايح
بدني ضحك الماشي والجاي
جرودي مقطعة مريشة ومسخة
ماتلقى فيا مايترى
بدني تاعب نسى الراحة ملي مشيت
مانيش مأيسة
نستناك نستناك ليالي و شهور
نشق على خاطرك البحور
بعدك خلى قلبي مقسوم
نعرفك ماتمنش بالمكتوب
كلهم قالوا المرض خلاك مهبول
إنت نور عيوني
بعدك الدنيا تخبات في ضوء جفوني
الكل قالولي الميت ما يرجع
ربي يصبرك على فراقو
مافيبلهمش إلي أنت معشش في القلب ماتموتش
انت حي في قلبي وحياتي
انت مشيت تداوي وبش ترجعلي
متخافش ماني مصدقة حد
انت مشيت تداوي بش ترجعلي صيد كيما قتلي
وتاقف ورايا وماتخلي حد يكلمني أنا نصفك الثاني لي تخلق ليك
قتلي ربي شيخلق ويصور إنت لي مليت حياتي ونسيتني في مرضي
اليد في اليد وانشالله ماتبعدنا كان الموت ...
ريت كي مانسيت حتى كلمة من كلامك ؟
إنت مرضي وماعنديش دواء ليك
انت حياتي لرسمتها بيديك
وانا ليوم مانيش بش نخليك
حتى في الموت خالطة عليك
وجدان قاسمي
Website Design Brisbane
Tags: