ڨلڨت ڨبلت صدري للكرطوش

لميت لولاد ڨلتلهم هيا ما تخافوش

هيا نزدمو عالداخلية ما نوخروش

نطيحو الحكومة ما نرخوش

عايش في بلادي كل يوم مريض,

كل يوم مكرزز, كل يوم عليل

شاڨي ما لاقي نهار و طولوا نذوق فلويل

راجل مستحيل نموت ذليل

نخمم في حل ما لڨيتوش

لسلمية حان وڨت الكرتوشيا à basl

إلي ما عندوشي لا يعنڨ لا ايبوشي

بالله ڨولولي يا طحانا إحشمتوشي

tbouchiيا غنوشي ما تحاولش بش

أولاد لبلاد مازلوا ما ماتوشي

حاول تضرب بالغاز, تسيب الكرتوشي

رانا نطيحو و اولادنا ما تذلوشي

الرجلا فعل موش سروال

كان هكا لبهيم أكبر رجال

انا نعيش في بلادي كي لحمام الجال

نرجع حريتي تتربى بها أجيال

مانيش طير المرزوقي ما نعيشش في ڨفص

هاو ما فماشي ماء, هاو الضو ڨص

نحب سبطارات , نحب ڨناطر و كياسات

نحب مدارس معامل و مؤسسات

نحب نخلص على عرڨي

نحب بلادي ملكي و ملكك هيا أرضي

نڨول للشهيد ما مشاش حرام دمك

انا عدنا بش نرجعلك حڨك

انا ما نسيتكش يا فداء وطني

انا ما نسيتكش يا ڨرة عيني

انا ما نسيتكش يا شمس حريتي

انا ما نسيتكش يا شهيد صراعي

vin نهارتها من دبوزة ڨداش شربت ,

enfinروحي بش نزدم chargit  ڨداش ..

20 و خذيت ال l'avenue شديت ثنية

deja en mainسبتة مكبوسة و ال كوماند

هزيت عينية للسما و عيطت

ريت ذكرياتي مع الدنيا وحلڨت

شفت أمي من أورا الباب إتزغرت

شفت ولدي لابس لبيضو ,شهدت

فقولوا معي..

ياوطنيلا وطنٌ إلا أنت  ولا قائدٌ إلا من فداك يا وطني.

ياوطني لا وطنٌ إلا أنت

ولا قائدٌ إلا من فداك يا وطني