قتلوك يا بلادي.. قالوا يحبوك و من شعبك جردوك.. قالوا يعزوك و في عيدك غدروك، إي نعم قتلوك.. علاش ظلموك؟ علاش حرقوك؟ كنت الخضراء و بين البلدان تتعالى، قتلولك إسمك و جاو في الدفينة القتالة، قتلوك يا بلادي..

الإرهاب كبير و حبنا لتونس أكبر.. الخطر كبير أما الشعب يحضر ، كبير و صغير لترابنا حامين، العينين تدمع و مازلنا واقفين.. الخوف من ربي مش من عبد بسلاحو، الخوف من ربي موش ملي يبدل في حراموا..

توحشتها بلادي، توحشت حبابي لي فالغربة تعاني، فيك قراو و كبروا تي قلهم رجعولي صغاري، يا ربي ترحملي بلادي و تنصر أرض أجدادي.. يا ربي تحررلي أرضي من الظلم لي تعبني...

شعبك يبكي عليك يا تونس يا نور العين، داروا عليك و نساو لي قالو ربي في الدين، ماتبكيش يا بلادي يموت واحد يلقاو اثنين..