Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

فرحـة

comment-positiverSarah Messaoudi - ساره المسعودي

نفرحوا بالحاجات اللي تجينا في غير وقتها..

نفرحوا بالورده اللي على غفله أكثر من ألف بوكي في المرض والأعياد..

نفرحوا بالسؤال كي نبداو موجودين مش كي نغيبوا ونطولوا في الغياب..

نفرحوا بكلمة كيفاش الصحه أكثر من إنشاء الله لاباس كي نمرضوا بالحق وتبدا الغصره..

نفرحوا باش فما جديد أكثر من مبروك ما عملت ومازلت كي سمعت ربي يعوض عليك..

نفرحوا بالتاليفون اللي ما يجيش عالبال أكثر من ألف تاليفون نستناوه كل دقيقه وكل يوم..

نفرحوا بالصدفه اللي خير من ألف ميعاد..

نفرحوا بالهديه اللي بلاش مناسبه..

بالكلمه الحلوه اللي ما عندهاش سبب..

بالزياره والخرجه اللي ما تتبرمجش..
بالتعنيقه اللي ما فماش بعدها ربي معاك..

بكلمة ربي معاك اللي ما نصبوش وراها الماء..

بكاس الماء من غير عطش..
ونفرحوا بالحب اللي يروي..

اللي ما يتطلبش..

نفرحوا بالغيره..

نفرحوا بالحق..

ديما الحاجات اللي ما نحضروهاش.. ما نستناوهاش وما نخمموش فيها ونمارسوها بتلقائيه ومن وحي اللحظه والرغبه، تبان أصدق وأحلى وتدغدغ القلب!

ساره المسعودي
فرحـة