كي نغزرك نفرح كي نرا تبسيمتك قلبي يرتاح حبيتك بتفاصيلك الصغيرة و الكبيرة بعيننك الكحل لي قلبي و عيني ميشبعو بيهم ضحكتك لي سحرتني يديك لي محلاهم .... كي تبدي يدي في يدك قلبي في لحضة ياقف مخي مقاش يعرف يخمم نحب نعنقك ما نسيبك نرمي روحي في حصنك نشم ريحتك نسمع كلامك الحلو لي ديما تقولهولي و آنا تلقاني منعرش نجاوب نظهر لي آنا مش مهتمة أما في الحقيقة ملقيتش الكلام لي ينجم يعبر علي شعوري بالفرحة تعجبني كي توسع بالك معايا و بالرغم لي إنا باردة المشاعر كيما تقول إنتي مسلمت فيا من غير منحكيو علي البحر لي كي عرفتني نحبو حبيتو معايا و ليالينا و أحنا نحكيو في ماضينا و النجوم لي تفرجنا عليهم مع بعضنا و القمرة لي طلعت و ضوات علينا ..

نحب حنيتك لي حاسة بيها حشمتك لي قدامي توريها ضعفك لي بين يديا تحس بيه قوتك لي نحبك ديما تظهر بيها .. نحبك ديما فرحان كي تبدا متقلق نتقلق معاك كي تبدا فرحان نفرح معاك ..

نحب نعنقك نلعب بشعرك نعدي ليلا كاملة بين يديك نقوم صباح عليك و يكون صباحي إنتي ..

عجبتني بعض الجمل ... و يجيك نهار و تلقى الي يعشق تفاصيلك ؛ ويتقبل مزاجيتك ثورتك و عنادك أسلوبك و كسوحية راسك ؛  رزانتك و عقوليتك؛و مسوطيتك؛ هبالك و تبهليلك؛ ضعفك ..

... نحبك