معتش نجم نمثل اكثر .. نرسم ضحكة قدامهم و قدام المراية نبكي

معتش نجم نحلم  .. تو منحب شي و منحب حد   .. نحب ف هاك الحفره نتمد

.. برشا غدره و حسد و قلة معروف و كلهم يتسببو بالضروف ..

اي صحيح العايله تدلل و تعطي بلا حساب و كعبات محلاهم  ..  خففولي العذاب

اما معتش نجم نكذب علي  روحي  .. منيش فرحانه ومنيش حزينه حاجه بين الاثنين كاني ف بدن واحد عايشين اثنين .. واحد يضحك كالناس وواحد يبكي عالناس  ..

معتش نجم نخضع ونقول نعم .. نحب مره نخرج وحدي نصيح وحدي نهرب وحدي  .. نلوج علي روحي  .. بالك نرتاح نحيا من جديد و تبرا جروحي ..

اما فين ووقتاش و كيفاش ..

معتش نجم نتحصر بين جدول اوقات و علاقات و برشا تعليمات

نحب مره نفيق وقت الي نحب نمشي وين نحب  ..

نحب نحب .. اما هنا حرام تحب .. هنا علموني نكره هذاكا .. عيب نكلمه .. عيب نعشق فنه ..

وهذا حب يعني اجرام لا عنا بنات تحب و لا تعرف شمعناها غرام

معتش نجم  نقرا بالسرقه

الكتب تقلقهم عندهم تفاهة و وقت ضايع .. كان كلام الناس عندهم شايع

معتش نجم نعيش هنا  ..

نحب نهج لكوخ .. الظلام ولا هالبلاء ..

نحب نعرف الحب و كان عندهم عيب ميسالش يحسبوني مت و يعملولي عزاء و لانعيش معاهم كاني مدفونه بالحياة

معتش نجم نعيش ..

ومش ضعف يالعكس وليت قويه لدرجة اني نحب الموت والغنا  ..

معتش نجم نعيش ..

ميسالش نموت و لا ؟!