حلمتي الحزينه

Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

Sarah Messaoudi - ساره المسعودي

صباحك جوع..

تاكل وما تشبعش..

صباحك مطره قويه..

تمرضك ومنها ما تبراش..

وصباحي عليك غلّ ما وفاش..

صباحي حب وعطش..

نشرب وما نرواش..

نكره وما ننساش..

نتنفس وما نحياش..

ما تغنيليش غنايه مش حافظها..

وتكبلها سعدها..

وما تقولش كلمه مش قدها..

وما توعدش وعد مبني على كذبه..

وما تحكيليش على غدوه..

ونهارنا منقوب..

وما تقولش باش نتوبوا من الفرقه..

وأحنا غارقين في العيوب..

وما تلومنيش عالفده..

ما تجيك كان ما تطبخك..

مشيّط محروق..

والحل تبديل الطنجره..

نبدلوها وتبقى إنت الغطاء..

والهواء والسماء..

والغنايه اللي نحفظها حتى كي تنساني..

وإنت الذراع الحنينه..

حتى في كفها!

وإنت عشقتي البنينه..

وحلمتي الحزينه..

فقت منها الصباح..

مكسورة جناح.

ساره المسعودي

Website Design Brisbane

Tags: