Majda Mansour - ماجدة منصور

فاقت للواقع المر  وين كانت يا خي تحضر في دار للجنازتها  ؟  هو جاي ماتعرف عليه شيء  غير كلام  الي قالت أمها يخدم في تو نس  اكبر منها برشه اش تعمل دخلت بعضها تمنات تكون كل شيء حلمه وتفيق منها تلقى الواقع غير اكك ام اذك واقع الي حبت تهرب منو  .

كملت قضيه فرشت دار ونظمت  خوف من بوها لا يعمل مشاكل قدام الناس مشات باش ترتاح  شدها البكاء علاه هك الحوايج  الخايبه تجي فيسع الحوايج الباهيه ديما تبطى ء علاه كي  موش منحقي انو نكون عندي مستقبل كي العباد الكل على قليله نكون حره في قلبي في اني نحب اني  نعشق

.  ومزلت تحول تقنع روحها انها تنسها شكونك انت باش يحبك تي هو الف تتمناه   ام مزلت تحبو تعشقو  تتمنى تنجم تذكر وجوه  تذكر كان صوتو   حتى هزتها ذكرتها لا اك النهار نهار متعرش كيفاه نستو   

نهارت الي كلمتو بعد ما بوها بطلها طلبها من عند صاحبتها بعد علمتو   فاطمه انو سوسن بطلت في عشيه جات طل عليها وقتلها راهو عبدو يحب يحكي  معاك  وقت جات مروحه مشات سوسن معاه على اساس توصل فيها  وطلبتلها عبدو  تلفيون ينوڨز وهي دخلها بعضها  متعرفش اش تقول هزت تليفون

_اهلى فاطمه

_لا موش فاطمه

_سوسن  اهلى وينك لباس  

قال كلماتو بلهفه  و وفى  في فمو كلام اش خلها تولي تبكي مالقت متقول يسمع في صوتها هي تحول تخبي  قاللها

_يزي من بكاء بربي والله عادي تي شوف صاحب شهايد اكهو من غير خدمه شنو باش توقف دنيا على تبطليب من قرايه

_اي نعرف ام شنو ذنبي معملت شيء يستهل نقوم نخلص غلطت غيري

_سوسن كون قويه

كلمها باش يواسيها ام قعد يسمع كان  في صوتها تبكي ام موش عرفها الي هي  على خاطر معداش تنجم تشوفو موش خاطر القرايه  

وكانت اذيك اخر مكالمه بينتهم من سا عتها

مقللهاش نحبك ولا هي قتلو   موش عارفه اش تعمل خاطر موش متاكد من مشاعرو  تجاهه ام فمه حاجه ديما تخليها متنساشي .

صاحبتها نجحت في باك ومشات تقرى في فاك ومعادش تجي  والت وحدها في دنيا قلبها يتمنى في  حاجه واحده شكون يطمنها عليه

ذكرى اذيك تفسخت من مخها متعرش كيفاه . متعرش علاه في عاده  ما تنساش  اي حاجه تخص عبدو متنسهاش حتى كلمه  ام ممكن  خاطر كثرت عليها هموم  بدات تفقد ذاكره
وهي قعده فوق فرشها تخمم ما فقت  كان شكون شعل ضو البيت دنيا والت ضلام وهي مافقتش  والوقت فيسع تعدي   كانو شمت فيها

_اي فيسع بدل دبشك ناس كلمو قالو في ثانيه

_يا خي باش نلبس سواري  على هم الي يستنى فيها  

_ما تقليش باش تشيحلي ريقي كيما عاده قوم  بدل حوايجك والبس كسوتك الي شىريتهالك  

_باهي باهي

_ الحمد لله عليك

خرجت امها من بيت وهي مشات لتجبد في حوايج ام مجبدتش كسوتها الجديده مشات جبدت بيجما متاع دار ولبستها وخرجت  

عرضتها امها في بابا البيت

_شنو شنو هذا اش لبست شبيها  لبستك الجديده تحرك نحي عليا صاف الي لبستو

_اسمعني نحي لبستي والله لا نقابلو زين وبرقش تحلى في عينو وتعرسولي وترتاحو والله الى منكره فيها من نهار لول باش تتعلمو انكم ما تسطروليش حياتي كيما تحبو

_يا خي باش تفضحني معا العباد  امشي تحرك بدل هل شوالق مكانش والله نادي لبوك يتفاهم معاك

_اهوك ناديه باش يضربني خليه يضرب بالك يقتلني يرتاحكم مني

عرفت لام الي بنتها مكبش وشد صحيح في ريها

_دبر راسك في لخر ماكش صغير ه باش يقول امها ملبستهاش بالباهي  

خرجت امها تكمل تطيب في عشاء هي اخوتها حتى طلبت  منها اختها  تعاونهم غزرتلها على جنب وقتلها تتمهزصت عليها  

_امي مزل عند داوء فار  كان مزل عندكم خليني نجي نعاون

_ياخي باش تستجرم اقعد لا عونت محسوب  

خرجت من بحذاه   مغششه وهي عملها روحها ولا على بالها    ام من داخل باش تموت من خوف اش باش يصير فيها كان عرست بيه

حلت تلفزتها تتفرج  حتى جتها اختها مره اخر وقتلها

_اخرج سلم على ناس هاهم وصلو

حست كانينو  شكون قبضلها على نفسها منجمتش حتى باش تقوم قمت من غير حتى كلمه  لقت امو واخوتو في صاله سلمت عليهم  وهو معا  بوها في صاله اخره قعدت فوق الكنبى  وهوما قعدين يحكي معا امها  

وهي سا رح مزلت مفقتش   ما كنت تخخم في شيء مخها كان كيما حاجه محروقه تسمع حس ام مافيه  شيء  حتى نادتها اختو

_شببك سكته ها طفله

اختو كانت كن نوع العباد الي يكثر من كلام  اكثر نوع تكرهو سوسن جوبتها بروده

_اسمي. سوسن

قلتها شماته فيها معا انها تحب كلمة اطلفه خاطر تربيجت صا حبتها    

_اي باهي كي تكلمتي  ناس تقول بكوشه

_اي بكوشه خير ما  نبدى نجبد في عرض غيري

امو حست سوسن تغششت سكتت بنتها وقلتها

_والله هاهي صغيره فاهمه الدنيا والله احسن معملت بنتي ما  يعيش  في بر  لباس كان الي بعد على  قال وقيل

ما ردتش عليها وبينها وبين ر وحها قلت والله لو يشعلو صوابعهم شمع لا نرضى  خليهم يشكرو ويمجدو حياتي وانا حره حتى لو باش يوصل بيا لطريحه  

سوسن تقول هك خاطر بوها بصعبو عمرو لا مد يدو  و على صغار على عكس مرتو .

هك كانت تفكر كلمها معهم ما كانش برشه لحضو الي هي تكره كثر كلام قعدو يحكي معا امها وهي في دنيا اخرى  سا عات اختو ترميلها كلمه تتنرفز ترد عليها وتتمنى تخرج من دار  وتخليهم.

وافى حديث التعرف وجى وقت الجد  قلتها امو

_اسمعني بنتي انا نوين على خير نحبو بنيه بنة عايله ومتربيه ورزينه  بوك وقت كلمنه عليك قال انا منعدي حتى دخل خليه  هو يجي يحكي معها كان تفهمو على ظاليمن واذا كان  لا خوانين بنتى انا نعرف بوك من صغر والناس كل مفماش شكون ما يتمناش يناسب بوك شرف وقدر راهو سيد محمد   والدي يخدم في تونس لا باس عليه يصلي يخاف ربي  اذى  كتب المكتوب تعيش سلطا نه  اش قلت هو  هاهو بحذءا بوك انا حبيت نحكي معاك انا ولو  شنو ردك

اختو

_ واله خويا تتمناه كل طفله ربي حبك انت  و الله لبنات كل  يجرو في جرت.  غير انت حليتي في عيني حبيتك تكون ليه كي ريتك في في عرس بنت عمي

كملت اختو حديثها سوسن باش تطرشق بضحك على كلام امو  رزينه وفالحه والى اخ...... تي عزري الدار وقت تحكي معا حد تسكتو الي خر عمرو صراحتها حد ميحبها  تي عباد والت تتبلاء عليها خاطر شفوها متكبرها  ومتعرش امو اختو من جابو هل كلمه رزينه ممكن خاطر كي تمشي للاعراس تبقى سكتها خاطر عمرها لا حبتهم تمشي على خاطر باش تقابل فاطمه  اكهو
سوسن ملقت متقول ساكتت تفكر تعرف مسبقا شنو مصيرها  الي باش تقول كل حكايه فراغه اذا الرجل عجب بوها كلمها كل باش يبعثو  ويحكم بكلامو سكت سكت وقالت امري لله بينها وبين روح

_الي تعملو مبروك اهوك بابا قدامكم

شدتها غصه طبست راسها ودموع سرحت  قعدت اكك باش ميفيق بيها اختو من فرحه قلت

_هذي بنات العايلات ولا لوح متلويش العصا في يد بوها.

غزرت اختو لامها

زيد احكي معها باش نتاكدو قبل لا نديه

الام

_ بنيتي هذي حياتك بوك خير وانت  حره انا منعدي حتى دخل اسمعني اهوك جمليه ( اختو )  اهوك محمد تفاهمو

جمليه

_اي نعرف كلمه لخره  في. حكمتو ام انت امها ووزيد هو عندو شرط

سوسن

_شرط!!!!!

_اي قال انا منخذش مرا موش محجبه   هاني قتلك  وانت دبر راسك

تغششت سوسن كايني  باش نموت من غير و  السيد خوك منيش ضد متحجات ام باش   يجي راجل من عدم يفرضو عليا يبطى والله كي تقوم  القيامه  واقت تقتنع نلبسو جوبتها قتلها

_خوك مزلت متربطني بيه حتى شيء  عشت في دار بابا حره  انا مستحيل نلبسو الحجاب وقت نقتع تو نلبس

اش تسخيل في سي فردي خوها   خذا وعرست يامر وينهي والله كي تنبت العروق لا نلبس

جمليه

_اسمعني مال كلام هذا تقو لهولو هو موش انا  هاني ما شيه باس نديه واحكي معه