Majda Mansour - ماجدة منصور

خرجت اختو من بيت الصاله الي هوما  كانو فيها ومشات تعيط لخوها وسوسن في بلاصتها جامده من الخوف  اش باش تعمل  شنو الحل  يليت تصير حاجه  اي حاجه اي عبد يجي ينقذها من هل مصيبه يارب يارب وهي تدعي لربي يهزها خلي ترتاح عرس بصيف اش تعمل تو اش باش تقول  و  شنو شكلو هالرجل  طويل ضعيف  ام بربي اش تستنى من راجل اكبر منها. 15تخنقت ودموع سرحت وهي مزلت مطبسه. راسها بها حد مايفيق بيها  وهي اكك تسمع في صوت خطواتو.  جاي هو اختو وهي تضحك وتقولو

تو تشوف الزين الي فيها وبعد قول جمليه متحبنيش

تسمع في صوت ضحكه اكيد ضحكتو

وقف في باب وقال

سلام عليكم

جوابتو امها  وقفت باش تسلم عليه هي واخوتها

مرحبا بيك وليدي

سوسن مزلت متمسمره في كنبى موش منجمه تهز راسها حتى باش تغزرلو تشوف كان في سا قيه اكك وتحس بشكون  جدبها بقوه من يدها  غزرت تلقها جمليه وتضحك
اي عاد قوم سلم على راجلك

منها مصنعو هل مخلوقه  ماكرهتش عبد قد ماكرهتها  و مزادت معها حتى كلمه مدت يدها تسلم عليه وغزرت تشوف فيه يغزرلها   ماكانش كيما تو قعتو جمله طويل ستيل ويلبس دجين لقت مصفات معكوسه راجل  غير الي تخيلتو  وزيد  يلبس اكثر حاجه تكرها الكستيم  

رجع لبلاصتها وزيد الى شفتو كمل على مرمتها باش تعرس واحد قد بوها   باش يبعدها على اهلها وشكون يعرف على طبعو شنو  والي سكن قلبها  اش تعمل فيها تحكي بينها وبين روحها نحبو من عمري 13تعود خمسه سنين تو كيفاه باش ننسها  تي منعرش علاه حبيتو ممكن ستيلو  محلاه كيما تحبو هي طويل ستيل موش سمين   كي كانو يقرو اكثر حاجه تعجبها هي كي يلبس شميز  ودجين و لى ممكن الي حبتو   وجهو الي متعرفوش  ام تعرف الي هل حب مستحيل اك علاش قررت تسمع الراجل الي جها وتشوف ماه وين يصب عفست على قلبها بقرار اذاك  وهو زاده مكانش من عاكسين داخل طول في صلب الموضوع

يحكي معا امها كيفاه باش يعيشها  بنتها حتى لين كي عاده يدخل حاج كلفو القعده اختو

يا خي تحكي لامها تي احكي معها اهو ك بجنبك

رمزي الخاطب

تي عادي شنو الفرق اهوك تسمع فينا.

جمليه

كيفاه شنو الفرق  هي باش تعيش ولا امها

والى بدل يحكي معها وهي تسمع وسا كت كان امو اختو يناقشو ساعات تتدخل امو قرر  يحكي معها ام مغزرلهاش  جمله  قاللها

اسمعني منيش باش نقولك  ولا باش نعيش في بلاصه هذي  والي تطلب تلقى وتعيش اعز عيش تروح لاهلك وقت  نتفاضى من خدمه تروح لدارك معززه مكره اهوك بنيت بيت لنا ام في تونس ان شاء الله على قريب  

كلام كلو معقول حتى لتو

هي كلمتها وحيده باهي   باقل وجعيته كانت  منرفزه اختو وتمحشرها   في كلمه تلقها  هي لول خويا ماكيفو حد خويا البنات كل تجري وراه حتى بنات تونس غير احنا مرضيناش عليه كي يخو واحد موش نبت بلاد .

مرجتلها كبدها بكلامها لا حظ هو الى سوسن تقلقت والى قال اختو

اسكت هك  تكلمت انت وعرفنا ريك  ام لتو لعرفنا رايها

(سوسن )

منعدي منقول اهوك بابا احكي معاه

رمزي

اش مدخل بوك انا باش نعرس بيه

سوسن

اي ام حكمه بيدو هو

رمزي

نعرف ام  انت اش ريك

سوسن

الي تعملو مبروك

معا كلمتها حست روحها تخذت منها من قهره قاتلو

موافقه على كل شيء الا حاجه واحده حجاب بهداية ربي موش تفرضو عليها انت

لا سا منحي مستحيل نقبل مراء من غير حجاب

سكتتو اختو بكلمها

تو يهدي ربي وانا نرجع نفهمها غير خلونا نفرحو بيك

غزرلها وقللها

شبيك مهبطه راسك هذا كل حشمه

جابتو

لا لا

امم لباس صوتك حسيتك مقلقه

لا لا جيست مڨربه اكهو

ان شاء الله لباس  مال كيما تفهامنا  الفتره هذي تخلها فترة تعارف كان تفاهمنا ان شاءالله ربي يقدر  الخير كان  لا  وخينا  شوف انا كي قلت لو جولي على  طفله من بلاد على اساس

باش نمشي نشوف  عايلات معينه ونختار ام هي الي نتفاهم معها  ام مدام والده عينها بيك نشوف

تصدمت من عقليه الي فكر بيها

يا خي  بنت الناس سلعه يختار منها الي يحب  والباقى يطيشو  بدات تفهم عقليتو تو هذا باش تعيش معها وهي كانت عمرها كامل ضد معا مله  المراء  هك و هو جاء شكون باش يورها

النجوم

دخلت امو تسؤل

اي نقول مبروك

رمزي

امي بشويه حتى تعرف طبيعتي ونعرف طبيعتها

شنو اي يزني من لعب زغزغ تقول اي و لا

امي راك تضعط علياهك

لا لا لباس تو تعرفو بعضكم بعد العرس تو تقول يرحم والديه امي  

امي يهديك

منيش جايه نعلب في دار الراجل تو قرر

سلم امرو رمزي وقال

اي موافق

بغش وسوسن كي صنبه قا عدين يتنقشو في مصير حياتها هي  لا علاقه  بالوقع

جمليه

مبروك انشاء الخطبه بعد العيد الصغير حضرو ارواحكم

الام

ان شاء الله الي فيه الخير ربي يسهل فيه

جمليه هونا عندكم بزيد الوقت تعرفو حتى تشبعو تو تشوفو خو يا محلاه

سوسن تبكي وحد ماهو فايق بيها دنيا ظلمتها و حتى شبابها ضاع كل شيء حلو في حياتها  تاخذ من قدمها  

نو ڨز تلفيون فيسع  قلبو على وجهو ودر  عليه وهو شايخ ضحك

اي خير منك  تو تشوف اصبر نرجع

مفهمتش معاني كلمو  ام مكنتش تعرف زاده الي مول  تلفون اذاك باش يكون سبب في برشه مشاكل من بعد

سمعو صوت  اذان العشاء ياخي قام ماشي يصلي هو نسيبو اهوك تو وصلو الخبر الي هوما موفقين  خطبه قربت

بعد وقيت قررو يوفو السهريه وسوسن حالتها متعجبش جمله معداش تقوى حتى الكلام سلمو عليها وامها توصل فيهم لبابا قامت هي لفرشها بصيف وعينها ملايا بدموع  جات امو باش

تحكي معها ياخي قتلها

مبروك عليك وصلتو للحاشتكم بيه

امها

باش ترجع للمرج

مسنتاتش حتى امها باش تكمل كلمها دخلت لبيت وسكر ضوء وباب ورقدت ........