Majda Mansour - ماجدة منصور

تمنات تفيق تلقى كل شيء حلم  ديما تتمنى ام شيء ما يصير طلعت الشمس ضوات بيتها  وسوسن مافقتش استغربت امها بعثت اختها  باش تفيق فيها  حلت بابا دخلت سوسن سوسن فيق معداش بكري

سوسن مجوباش عودت نداتها زاده مكلمتهاش قربت من فرشها باش تشوفها شبيها ولا غير تطفي فيها متحبش تجاوبها  .

كي شفت اختها تفجعت مشات تجري لامها

امي امي بنتك

شبيك دخله بعضك  وشبيها بنتي

بنتك يضهرلي بيها  مريضه وجها احمر  وهي  تتنفس بصعوبه

مشات الام لبيت   بداات تفيق في بنتها  حتى لين حلت  عينها  

سوسن شبيك يا بنيتي لباس اش يوجع فيك

رت اك وجه لحنين تحب تترمى في حضنها تبكي من وجيعه من دنيا من كل شيء ام نفسها عزيزه حتى على امها بوها جوبتها

لباس تعبه ونحب نرقد

با هي لحظه نعيط لبوك يجي يهزك لطبيب

قامت سوسن من فرش مفجوعه

لا رد بالك تقول حتى حاجه

يا بنتي كيفاه نخليك

امي يعيشك نحب نرتاح

باهي على راحتك اش حاسه قولي

راسي يوجع

باهي نجيبلك حاجه تكلها من تشرب دواء  

خرجت لام تجيبلها في فطورها  ورجعت

قوم كول حاجه شد بيه قلبك

قمت تكل تغزر لطبق تلقى فوق ماكله من جابو معز البارح كلت من كل شيء الا حوايج اذكم قتلها امها شبيك

اذاك حدي الحمد لله

خاطر اذوكم جيبهم معز

هاك عرفت معداش تجيبلي حتى حاجه منو

با هي باهي

خرجت امها وعودت سوسن رقدت   في حلمه رات روحها  لبسه روبه بيضاء محلاها  وناس تهاني تغزر بحذاه تلقى  عبد عمرها لا راتو شكون هذا وين عبدو حبت تسؤل الموجودين عليه

صوتها محبش يخرج فاقت من نومها مفجوعه وتملت عينها بدموع  حتى في حمله بعيد عليه غمت على رسها  وعودت رقدت

تعدى نهار لول ونهار ثاني وثلاثه سوسن حالتها تزيد وتتعب اكثر وين تجي امها تقول لبوها هي تعرض  وهو لا سؤل لا وين سوسن شبيها معادش نرها  شيء قلبو وخمو كل في  الخدمه

اكهو ما فقدش بنتو ولو موش امها تموت وهو ما يعلم

نهار رابع كيما عادت جبت الام فطور بنتها لفرش  وحست امها تحب تقول حاجه ام محبتش وهي زاده متحبش تعرف شنو خاطر متاكده الي هي تخص معز بصدفه دخلت اختها لبيت  باش

تتطلب منها تعاونها في رسمه متاع التربيه تشكليه

امان سوسن تعاون في هل رسمه

الام

شبيك مكسره  اختك مريضه

امي تعرفني عكبه لا في تخربيش الدجاجه  وزيد عليه نوط

سوسن

باهي باهي حط غادي احسب قريت صور منك ربي  الفن تخربيش ام بربي قولي  اش باش تقول لبروفو

_نقول هبط عليا الهام وليت نعرف نرسم

تو يصدقك

اموري تو نتصرف عيشك سوسو ربي يفضلك بو لعز اهوك محير قال كان متهزوهاش لطبيب خلني انا نجي نهزها

شنو امي فاه قعده تحكي

_شيء شيء كلم فطورك  وانت اقلب منظرك

باهي هاني ماشيه

امي هي تقول جاي باش هزني لطبيب وانت تقول  كول شكون حضرتو ولا خاطر جاء مره  لدارنا والى ولد دار

وووو قال خلني نجي موش قال جاي

صار لحكايه بلحق اي اش قال اخر

موش هو اختو توصل في كلام

متعرش علاه سوسن ارتحت ام امها مزل في فمها كلام

يحب يكلمك

شنو علاه

اشفها بنيتي مريضه يحب يسؤل

اا انسى مستحيل

شنو مستحيل كيفاه باش تتعرف عليه ماله

قلتكم نحب نتعرف  انا هاني رضيت اكهو

اي اش نقول مال لا

اي

كي توصل لحكايه لبوك

تذكرت سوسن بوها ورضات بصيف عليها

باهي وتو خلني نرقد غدوه تو نكلمو

من غدوه طلبتو امها تتطلب ميهزش. مره لوله ثانيه ثلاثه

شبيه زعمه

وين نعرف عليه باهي تعبت نحب نرقد

كان طلب تو نجبهولك

باهي باهي

زاد شويه وتليفون نقز هزت امها وجرت لبيت بنتها وهي تكلم

والله طلبتك مهزيتش لباس  

معز

الله غالب كنت نخدم

باهي هاهي باش تكلمك

سوسن

سلام

اهلى بمراضه لباس:

الحمد لله

شبيك ممشيتش لطبيب

معينيش

شبيك كلمه وقص

طبع

تشبه لبوك انت

ممكن  

اممم اوك اش عملت فيلي حكايه  

شنو

الحجاب

مزل بكري حتى لين نقتنع .  

لا عاد موش اقتناع لزم يكون في علمك راهو واجب

واجب ههه كيفاه

بربي هك قال

اذيك حااجه اخرى نلبس باقتناع  موش بصيف وقلب فارغ  

باهي تعرف اش صيرلك كي تموت وانت موش محجبه

سامحني ام راني تعبه شويه معداش نجم نحكي  تو بسلامه  

باهي عندك حق المره جايه تو نكملو بسلامه

اذيك الحجه الوحيده الي لقتها باش تهرب منو السيد يسؤل على حالو موش حالها   وناوي يكلم مره اخرى رجعت تليفون لامها

كملت معه

قصيت تعبت من كلامو حجاب حجاب

يافضيحتك قصيت عليه  

ماشت سوسن رجعه بيتها موش قعده تسمع في شيء دنيا تدور صوت امها غاب حتى لين ............