Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
حب بلادك
Aya Derbali - آية درباليفي ظلام الليل غمضناا عينيناا و سرحنا لبعييد
بين النجوووم اللي مرمية في السماااء و في وسطهاا قمرة تلمع و نسماات لهواا اللي تلعب بينا
و ارجع بينااا يا زماان
و الغايب يرجع و المتخبي يبان
خلي العين تشووف و الڨلب ملهوف
ارجع بيناا لحياة اجدادناا
نلبسوو لبستهم و نعيشوو عيشتهم
نلبسوو سفساريناا
و نزينو بخلاخلناا ساقيناا
و دندنو هااك التشنشينة
و نحطوو حنة ڨابس على ايديناا
نلبسوو جبتناا
و نحطوو شاشيتناا
و نركبوو دابتناا
و نعيشوو حلمتناا
و نكتبوو روايتنا
ايجاا شاركناا فرحناا و لمتناا
و نشطحوو على شالتناا
و نتمايلو على مزودناا و بنديرناا
بكبيرناا و صغيرناا
ايجا نتلموو مع اماليناا
في فرحتناا يهنوناا
و في عزاناا يواسووناا
و عمرهم ما يخلووناا
نتشاركوو حتاا لقمة خبز يابس
رغم اللي الوقت كابس
و وضع بلادناا حابس
و نرسموو ضحكتناا على وجهناا العابس
ايجا نتبنو كسكسيناا
من يدين حرايرناا و لحنينة
و نعملوو جو على ريحتو لبنينة
ايجاا نحضروو عولتناا
و نملو جرتناا
نشڨو غابتناا
و نروحوو بقفتناا ملياناا بخيرااتناا
ايجاا ننسجوو زرابيناا
و نتفنوو في مراڨمناا و نشيخو على ابدااع يديناا
ايجا نحكيلك على ذكرياتي تحت الياسمينة
و انا شايخة على ريحتها لبنينة
و تايهة مع ريشتي و وراقي
نكتب في حكاياتي و ندندن في غناياتي
نرسم في خريطة بلادي و نلون فيهاا بالواني
بدمي الاحمر مش خسارة فيهاا
بطبيعتي نعشقهاا و عمري ما نخليهاا
بلادي ... زينة البلداان
صفرا رمل ... زرقا بحر ... خضراا شجر
ودياان و جناان
هاكا علاش يلزمناا نحبووهاا و ما ننكرووش فييهااا و نخبووهااا في قلب كل واااحد فيناا
اماا خسارة حلمتي وفاات و احلى لحظات عمري تعداات اماا وعد مناا ياا تونسناا نرجعو هااك الايمات
#عيش_تونسي
كلمات آية دربالي - صورة لطفي رحايمي
Website Design Brisbane
Tags: