نكتب و نفسخ ... نفسد و مبعد نصلح...نقطع في لورااق و نذرح

برشااا كلام و برشااا ملام منجمتش نكتبووو

اخترت نخبييه في قلبي و نسكر علييه ...نخلييه...كيف الغصة اللي فيااا...كيف الناار اللي تحرق في جواجيااا... كيف المرض اللي سيطر عليااا

‏مرض منغيير دوااا... خطر من الاصحااب مش الاعدااء...برشااا اسئلة ساكنة فيااا

كل ليلة تبدا تخمر فياا...لين ندوووخ و معااش يبقاا فياا

فمااا حاجة  فياا

كل ليلة تبداا تعيط و تتلوى و تميل و تبكي تحب تخرج مني ...منعرفش بضبط شنيااا...هي كيف الجن اللي مسيطر عليااا ..

انا شكوون ؟؟؟

منعرفش علاش السؤال هذاا بااقي يعذب فياا

رغم اللي اجابتوو منطقية

اناا بنية عندي برشااا احلام ساكنة فياا

نحب الخير و نكره الشر

عندي حياتي و فازاتي و هبلاتي

عندي صحابي و عايلتي

عندي صلامياتي هي اللي تعرف تفاصيل حياتي

عندي كتباتي و كراساتي هي اللي تفهمني و تحاول تعاوني

عندي حكاياتي و موسيقتي و دندينة صوتي و غناياتي

عندي ضحكتي و دمعااتي اللي ما تعرفهم كان مرايتي ...

هاذم اجاباااتي

اما في لحقيقة هاذم كذبااتي

‏كتبنااهم على ورااق و رمينااهم في بحر و غرقهم المووج ...قطعنااهم و رمينااهم في لهوااا و طااارووو مع الغيووم و قطراات الندى ...حرقنااهم و ولوو رماااد و بلعتهم الارض كيف ما ش يجي نهاار و تبلع لعبااد و بعد يطلعوو كييف الشوووك و يجرحووونااا

اناا شكون ؟؟؟

اناا صحراا قاحلة بالحة...اناا حكاية منسية رغم اللي كنت محور القضية...اناا عاصفة رملية...اناا ليلة دمرة بلاش ڨمرة ...اناا نجووم مرمية في عالم الكونية ...اناا شجرة ذابلة رغم اللي مازلت صغيرة اماا شاحبة و بالحة...اناا وردة فيروزية مرمية في كتااب بعد ما تكسرت المزهاارية...‏اناا باب مهري في قفلوو مفتااح مصدد رغم اللي الباب بالطيااح مهدد... اماا مازال متحمل و صامد خاطر ورااه سر غامض حد ماا يعرف شنيا

اناا غنااية لحنهاا ضايع

اناا مراهق صايع

اناا حلم مزياان

‏في وسط جنااان بالخير مليان

‏اناا مجنون ...خارج على القانون ... يايه وسط الكوون

‏اناا ربماا نشووف في رووحي حاجة غالطة امااا اناا محور الكونية مدامني انسية ...يلزمني نكوون قوية و نكوون قد المسؤولية...نعرف حياتنااا صعيبة كيف جبل عالي...كيف جنان مهجور...كيف بحر اموااجووو غاضبة... ‏كيف طرييق معبي بالشوووك و الحجر...

اماا يلزمنااا نكونو اقوياااء ...يلزمناا نصنعوو من الداا دوااء ... من الضعف قوة ..‏شماتة في الاعداء ...حب روووحك كيف ما انت و حب لعباااد لكل

و ما تكرهش حياااتك و تحس روحك لانت حاجة مش ضرورية بلعكس

انت انسااان...و الكون كلوو ربي جعلوو لييك و تحت يدييك و ما تبقااش تاايه و صايع و ضايع...ابني لرووحك حيااتك الخااصة و لونهااا بالوانك انت...تفنن فييهااا... ‏الف غتايتك و غنيهاا... ‏دندن موزيكتك و اشطح علييهاا...اكتب رواايتك و شييخ علييهاا...شد في حكايتك و ما تسلم فييهااا اماا رد بالك تخليهاا ...