Emna Frawes - آمنة فراوس

إلي صار periode  لخرانية الكل متعبني... يلزمنا نحط حد لهذا الكل خنقتها دموعها  سكتت

حس بنفسها يمش على بدني  ...

هو : ياخي شنوا إلي صار ؟؟ لباس ماهو ...؟ نعرفك كيف تبدى تهز وتسبط لواه لكلام هذا اش فما زادة؟

هي:اسمعني ،اسمعني  أمان حاول تسمعني للخر...حبيت نقعدو و نحكيو إما ضاهرلي معادش عندك وقت  وليت ديمة لاهي والا انا معادش نفهم ،أنا مطلبتكش اليوم باش نلوم عليك...حبيت نقول إن فما فارغ في علاقتنا عند مدة كبيرة كان حسيت به. فما غلطة موجودة هي شنو .منعرش.

حاجة بردت فينا...

فما خزرة في عينك معادش إراها...حتى شدة  يدك بردت...وليت نحس روحي مكبلة....محبوسةفي عشقك ... ومحبتي لك... فما حاجات منعرفش نعبر عليهم...إما وقتلي إلي حبيتك الدنيا الكل تبدلت قدم عينيا... كان تعرف قداش حبيتك وتمنيتك قداش حلمت نسافر معاك،نشدك من يدك ونعنقك في كل ثنية  قدام  الناس الكل حتى يعرفوا  إنك حبيبي  ،حلمت  يكون عندنا جنتنا الصغيرة عصيفرتنا دايرين بنا   بنا نسميهم على كيفنا،محبتي حلما كبيرة فرحنا علي أنا عشت فيها مفكرتش في حتى نتيجة...فرحانة بالمحبة علي كنت اراها في عينيك.
أنا حسيت معاك أحاسيس الدنيا الكل... وعرفت بارشا معاني ماكانش عندها إعتيبار عندي. كنت قدري.

قدري حبيت فيه عيوبك،يمكن انا  حبيتك أكثر...و الا انت حبيتني على طريقتك.يمكن لو زمان و توقيت كان غير اللحظة هذي يمكن .....يمكن كنا اسعد.

تصور إن الأمنيات الأحاسيس هاذم الكل  مربوطة بك... ومرة وحدة تحس إن  كل  شي قاعد يذوب بشوية بشوية قدم عينك.تعرف أصعب إحساس في دنيا انك تحاول تقاوم أحساسك و تكتم.

إما ماتنجحش،

وقتلي الصراع بين عقلك و قلبك  كل واحد يقتل منك شوية وكل واحد فيهم يجبد ليه شوية ، وقتها تولي عاجز تهرب تتخبى خايف لا يقراوها  في عينك إلي إنت...إنت فقت مخر...فقت تلقى روحك وحدك واحل بينك وبين روحك ...غاطس للعنكوش. تحس في عينين الكل اتبع فيك تستنى فيك كيفاش باش تموت...تموت وإنت عايش ...تموت وإنت تتنفس في هواء مش هواك لين تولي كيفهم  مهزوز مهزوم  بدنك ديمة يوجع وتتخيل أن أمراض الكل فيك

... هذكة علاش حكيت إليوم وآخر يوم إنجم نحكي فيه. تعرف مليح منجمش ناقف  قدام خيابتي ساكتة

مازال نحب نحلم نطير إنجنح، مزال فما ضحكات و شطحات نحب نشطحهم ....مزال فما غنيات ماسمعتهمش نعاودهم حتى وأنا ناسية شطر الكلمات ومضيعة ألحان...
توا تشوف فترة تتعدا بنا زوز شوية وقت...خلي الوقت يداوي يمكن نتقابل نهار من نهارات نجم نخزرو في عنين بعضنا و...مزال عندي برشة أحلام… وهو ساكت كلمة لا…  كين بلع لسان ....منعرفش هذا هو إلي يلزم يتقال والا مفما كلام اخر متقالش .إما أهم حاجة خليني نمشي بسلام. نحبك برشة

هي علقت التلفون وانا قلبي مشى معاها.

شبيني؟ شبيني ساكت ؟ لتوى مفهمتمش  علاش متكلمتش.

من وقتها شي متبدل...

اش عندي منتكلم ؟

اه يا نوارة....

جبد سيقارو شعل...

تنهد….

جبد نفس طويل

....القمرة متصدرة السماء

حط يد في مكتوب ... و كمل ثنية....ميعرفش وين توفى به ...