Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

المْنامة #4

roman-emna-frawesEmna Frawes - آمنة فراوس


ننسى لمرا إلي ريحتها معبيا أنفاسي نسمع نبرتها...ضحكتها في كل مكان...نحس في نفسها...يداويني وساعات يبكيني...توحشت شعرها المنثور على صدري...

وأنا نخرفلها في خرافة...توحشت يداها تغازل الكذاوالشي.. نار...يهيجها رقيها...المغروس طعمة في لساني... توحشت همستها في وذني...توحشت بدنها كي يغرق في بدني...
و تخميرتي بين يداها توحشت سكرتها...

شمعا تها و يسمينها ....حوايجها لمرمية على فرشي... حتي ريحت عرقها...توحشتُ... جاتني دافاتني،صنعت بها ومعها عالم عمري ماكان في خيالي .. إتنهد...خطوات بدات تثقل والثنية  تطوال عليه.

الشارع يضياق...جبد تليفون...شاف الوقت.

هدا وقيت مرواحها...

نعمل روحي صدفة متعدي من بحذا دارها.

صدفة ...آنا صدفةبربي بديت تدخل بعضك ... صدفة ورد و سديات... نطلبها نقولها راني جاي؟  


اوه فك ..فم عليا ه الراس شفيه حكيات...

نطلبها اش باش نقلها؟ ماسمعتش صوتي من آخر مرة كلمتني فيها...ليلتها صوتهاقداش حزين.. كان فيه رعشة وخنقة ....عدينا3سنين  ماسمعت في صوتها  النبرة..


في لحظة رجع به الزمان ...

هو:ألو،أهلا بيك cv؟

هي :أهلا ،لباس، وينك؟

هو:خارج… ماشي نشرب قهوة مع لولاد.

هي:  صحة عليك...عندك مدة غايب ...كينك نسيت و الا تتناس...جيتك لدار ملقيتكش...جيتك برشة مرات...

...نطلب قليل ماتجاوب...

البارح،مهزيتش...طلبتك برشة مرات...وحتى ماعوتش طلبت ... ...حبيت نشوفك


هو:تعرف البارح تاعب مش نورمال ...رقدت...مسمعوتش

هي :  بارشا خدمة!!! واليوم ....اليوم زادة بارشا خدمة...غدوة خدمة...  

هو: شبيك ؟ انا راهو حاب نشوفك....إما بارشا خدمة شوية وقت ون......

هي-   لا لا..مش مشكل.  فرحت بارشا كيف هزيت و سمعت صوتك

هو : توحشتني ؟ كلاتني الخدمة نوارة عزيزتي.

والله زادة متوووح.....

هي:  أنا تعبت... عندي قداش منرقدش  مليح ...

هو: شبيك لباس ...؟ اجة بعد كان تحب ...تو...


آمنة فراوس




المْنامة #4