المْنامة #25

emna-frawes-romanEmna Frawes - آمنة فراوس


ضعت وضاعت مني الحروف...ضاعت مني أكثر حاجة تمنيتها...ضيعتها بغبائي وأنانيتي بسكوتي الزايد على حدو.

كنت نتصور روحي نعرف لمرا إلي معيا مليح،حسبت حسبة طلعت غالطة بديت نلغي فها من حياتي من برامجي...

من كل حاجة تربطها بيا كل مرة نقص من إهتمامي بها شوية. لين تورطت...وتربط بالحبل نفس الي حضرت لنوارة...مكنتش ناوي يصير هذا الكل...أناحبيت نكسرلها خشمها نقصهلها من تعنطيزها...نرجعها ليا والعالمي إلي صورت و قررت  نقصلها نعيش فيه مابعضنا...وقتلي  تعرف إني أهم واحد في حياتها  إلي تعمل فيه إلي دايرين بها ماعندهم حتى قيمة،وقت متلقانيش بجنبها.

نعرفها عاطفية كل شي بإحساسها تعيش كي تحسني بعدت علاها ترجعلي وحدها  تطلب السماح.

تعرف كل ما تعمل فيه غالط  جريانها بين المسارح و السينيموات من جمعية...لجمعية...حقوق وحريات مايقدملها حتى إضافة آخرتها انا...

اليوم ندور وحدي...بين شوارع ه المدينه...

لقيت روحي بين وبين روحي مرة اخرة جريت...إتخبيت في خوفي  بين ضلوعي.

سكوتي من نهارت أكا التلفون  المحنون زاد الطين بلة مشات من غير رجوع خلات تصويرة بنينة محفورة في الذاكرة هي الي خلاتني نرجع الوج علاها...بيني و بينها برشا كلام الليلة يوفا الملام و نرجع ليالينا و محبتنا تزهر من جديد.....

تلفت على جاناب وسط لبلاد يغلي كلعاده عند قريب ساعتين وهو يدور...كين مزال كيف هبط من التاكسي...مفهمش آنا طريق  يجيب لدارها...

في لحظة خمم يرجع و يتخبى  ينسى...أما دقات قلب إدز فيه لشارعها...لعيناها إلي تستنى فيه.

خزر للوقت يلقاه  التسعة...

توا نتصور...راهي بدلت حوايجها...وقعدت تتفرج في فيلم...زعمةتتعشى...والا تقرى في كتاب...

دخلت زعمة إدوش نعرفها كلبطة تموت على الماء...تبسم...وشد ثنية للبساج..

في عقل ألف حكاية  قجر يقجر يتحل حاجة  تضحك و لخرة لخرةرتغصص لقى روحوروحوا لوجه قدام بلاصها.



آمنة فراوس

المْنامة #25