Emna Frawes - آمنة فراوس

بدات علاقاتنا تخو منحى جديد مد و جزر ...

هي خذات متنفس من الحرية...تمارس في حياتها كلعادة...تحاول توفق بيني و بين الحاجات الي تحبهم.وأنا حاولت نبرهن إني نجم نواصل و نتواصل من غير علاقتها.

بنيت علاقات جدد،باهين والا خايبن ميهمنيش...حاولت قد مانجم نخرج من الدايرة متاعها...

فرحتلي برشا...على عكس إلي كنت نحس فيها و هي بعيدة عليا...وليت نتلكش في كل حاجة...

نعمل عكس إلي تحب...ساعات تعديلي  و ساعات مترشفليش  زلاتي ...تناقشني تسمعني  الي  لازم نسمع...في حقها تولي لبوة، و انا نولي من تاعيس الى اتعس في  كل تصرفاتي.
حياتها إلي إنبهرت بها أول ما عرفتها ،ولات تضهرلي مفرسعة...وليت نخاف من عنين الناس كي تروح مخر بحذايا...تستدعاني مانمشيش معاها لبلايص الي تحبهم.

...قررت تروح لدارها كي تبدى عندها خدمة وإلا activité... مباتها في دارها أكثر من داري...مليت وقتي بصحابي و صحباتي الجدد...نخرج مع شويه ملي يخدم معيا...بن عمي نسرق من حبيبة دنيا...محلاهم مزالت محبتهم كلعاده. وانا كبرت الحكيات في راسي اكثر.

نتهز و نتحط كي نشوفها مع ناس أخرين...تعدات علينا شهور على هاك المعدل.

كنت مصدق أن بلاش بها فما حياة.

كملت نوارة قريتها تخرجت بتوفق بفيلم أنا كنت البطل متاع كيما تمنات.
فرحت بها...بحضورها في وسط عايلتها...عرفت برشا محبة قدام الناس المهمين في حياتها...عايلتها المصغرة... قداش قالت فيا كلام ميزيان... عينها تضحك و هي تحكي عليا...تقبلوني بكل بساطة  كيف ما انا...بخزرتي لدنيا و بكلامي قعدتي ... طريقتي في الحديث...ماسالوني حتى سؤال على قد ما قعدنا...فهموا الي هي تحبني.

فرحت بفرحتها...من غير حشمة حكى معياو ينصح فينا كيفاش نجم إنجحو علاقتنا...

فطرنا مابعضنا بوهااستدعاني على كاس...وانا مصدوم في الفيناو الدلال متع العايلة برغم من البساطه الي كانو علاها.

فرحتها مكنتش ليا وحدي...

حضرت عشاء طيارة كل شي عملت بيديا...طيبتلها الماكلة بنينة...شريت حوت من الغالي مشكل و منوع...حضرت frite فلفل مقلي...عملت»salade varie«...دبوزة «vin blan» طليانيه من 2000 خبيتها على ذمتها.

شمع...ورد في كل تركينه...

قلت نعوض الوقت إلي ضعيت و هي بعيده عليا...

يعملو هكاصحابها ويجيو معانا باش يحتفل...

سكتت ماقلتش لا.

راني باش نعدي ليلة هذي مع  حبيبي.

أنا تنازلت على كل شي على فوضويتها،لبستها،خرجتها  دخلتها...الصحاب التفه إلي عمرهم ما عجبوني و هي تعرف هذا و تحس في كل لحظه...

منجمتش تشاركني ه الليلة وحدي من غيرهم....

مهمين ياسر؟

انت تعرف مليح انها ما كانتش فيبالها...

مايعننيش

...المفروض تفهم...ليلة كيما هذي مش باش تتعدى

a l improvise

«أنت تعرف الطريقة الي جاو بها اصحابها و كيفاش صارت لحكاية...أما أنت عملتها شماعة علقت علاها كل شي ...

انت من أولك مش عاجبك شي اما غالبتك محبتها  يكفي تقعد معاك...

أسكت عليا، الملام بعد القضاء بدعه...كنت نتمناها كيف أمي و أمها.

رانا ربحنا برشا وقت...

كانت تنجم تتنازل شويه...مدام تحبني... ياخي لمحبة مجرد كلام.؟

هي كانت كيف ماهي .

من غير تزيف و لا مغالطة...من غير كذب...

أنت ضعيت الزوز.