...بسيف لازم تسمعني....

هي كل حاجة تعمل منها طاولة وأربع كراسي .

شبيني أنا يام تحملت منها غشها وعصبها على قد ما كانت ضحاكة كانت مغشاشة  و نعديلها ...

نقلها هاني جيتك وجبتلك معيا كل حاجة تخصك.

إي أماكيفاش بش نبدا ؟

اش باش نقوللها ؟>...

توا... بعد ساكتي.

ما فيد كلامي. سكوتي طول بيا و بها ...منتصورش إليوم ترضى تسمعني ...هي مشات و خلات وراها كان السكوت ...سكوتها يوجع أكثر من كلامها ... قداش شاهي نعنقها...نحس ببدنها ونحكيلها على دارنا ،القواد الي في الخدمة وسكريترة المدير النسناسة...حكايات وقت الفطور...

على الطفلة إلي تبزنس فيه... توا هذي حكاية ماشي ترجع لكتب ولى باش تحكي على الطفلة الي تبزنس فيك ، تعرفها لحكايات هاذومة ينرفزوها....

برا توا نمشي...وقتلي تجي عينيا في عينها  تخرج لحكايات وحدهم كما يصير معها ديمة .... الكسوة الجديدة ياسر تواتيني ...وحد ماشفني بها ... خلني نلبسها....نعمللها دوش مزروب ...ضربة  خفيفة للحية... سيرج صباتو...عمل دورة صغيرة قدم لمرايا.

دوح راسو ...  لا لامش حلو ...مش حلو حتى طرف ... ...عاود بدل...تحبني سبورنعرفها.

كتبتها إلكل حطهم قداموا حسبهم... كيما هوما...ماعندها ماتقول...يعرفها خرنانة وكان ينقص واحد توا تخرجل  بألف حكاية...

كيف جاخارج...هزشطرهم.

سكر باب وخرج...عاود حل الباب ... تفكر إلي هو محطش parfum...عمل ضربتين باهين...

طلة على  المرايا...تبسم...إستوى سوريتو...خزر لتصويرة.  وخرج. ...

الدرجات طايرة طيران...

قلبُ يدقْ كالمنقالة...شادو الضحك...يديه تُرشع...عند غصة في حلق...حاشي بالعطش...وجه أحمر الكدم.وقف.

جبد النفس.--تنفس تنفس يا بابا...

أية ... شهيق..زفير....  شهيق..زفير... أيا إستوي روحك... مفماش علاش الزربة الكلْ في عقلك.

شنوا توا؟.... على (5) كتب عملت حالة... راك مزلت في أول الثنية.إسترجع أنفاس

هبط درجة درجة ... لكتب مازالو يرعش بين يديه.

قدم البلاص...الحركة قليلة. ..الليل قريب يطيح...السماء مسحبة شوية ....

-- زعمة متصبش عليا لمطر؟... برانخوا تاكسي...مش لازم تمرميد إلمترو...