..يا روحي يا اغلى ما ليا ،يا شمعتى لتضوي لياليا

علاش هكا عملت فيا وبكيت عينييا وقتلت احلي ما فيا؟قهلا الخزرة فعينيا والضحكة لتوريك سنيا واك الحنية لكتشفتها انتى فيا؟

!،تهون عليك عشرتي وسهراني الليالي سارحة فيك تايهة  فلون عينيك ومشية ساقيك والرنة في حكاويك

!قلي وقتاش تحس بحيرتي يا سبب غيرتي

..وقتاش تعرف قيمتي يا مبدلني بغريمتي

منامة عقلي وغبينتي نسيتني فيسع ؟ تي مزلت نرا عينيك مرشوقة فيا وتستني في خطاويا ! تي شوف كيفاه تلوج فلهوا على نفس تعدى عليا

شهر توا وانت بعيد عليا ..مرمي فحضن غريب عليا ،مشيت معلى ما تتسمي وخليتني وحدي نتمنى ..ونستنا ،اي نستنا فيك نستنى ترجع تطلب السماح واني نتعزز وتجرى ورايا واني

نتهرب نستنا تقلى نونو غلط وخنتك واني نكذب ونقلك كرهتك ماك تعرفني بخشمي

…يا حسرة

قبل ما تشمتهم فيا.. وعلى حزني تضحكهم عليا

.ماهم يا سيدي قالولي الله غالب هاذوكم الرجال!

هاني نستنا

توا 4 شهور عيني ملمحتش عينك وينك! وينك! يا دوايا يا سبب دايا رانيي ميتة ملوحشة

يهديك اخرج منمخي وريحلي بالي وانسي تجي فحلامي يا ساكن اوهامي

مزلت نستى تتوحشنى وتتوحش عيوني مش كانو يعجبوك وكلامي ؟ مش كنت تقلى محلا كلامك

ايا هاني ريتك ! يا فرحة قلبي بخيالك

اما يا خسارة بعيد ، تي قول وقتاش كنت قريب

شبيك يا روحي تربثت وجريت تخبيت ؟ ايجا ..ايجا متخافش منعارككش وراس اللون على خديك ..ايجا أقرب نعنقك ونشكيلك همي

اقربلي نسأئلك عليها شحالها وأحوالها فرحانة بلي ربحتني ومني فكتك ؟ زعما حبها يستاهل بيعتي؟ والا السوم غالي واني نظلع مصغرة فلحساب ؟

مزلت نستي تعرضني صدفة واغلاطنا تتصفي وقلوبنا تهرب لبعضها وتحكي لمتحكاش

مزلت نحلم بالنطرة تخت المطرة وتعرضني انتي ومن حومتي تخطفني

شحبيت الفجر والبحر نهارت ليريتك ..وين الهروب ليوم؟ وجهي في وجهك وتبسيمتك وانت مادد ايدك تسلم كيني غريبة عليك ،فرحت بمساني ايديك اما مخيبها ولات نظرة عينيك !.. مريتش

فيهم حبي ليك

ريتها هي فعينيك تخزرلي وكينها بيك تغزلني ..وتقلي فات الفوت والعبد مش ديما تخطفو الموت ،قهرة يا عزيزي وانا معاش نرا فيك اما منجمتش نتخلى عليك ونخون حبي ليك

خطفتوني وكلكورة رميتوني ..منا ومن غادي انت وهيا لغدرتوني والناس لشراووني وبقلبي طالبوني اما انا !المغبونة لمبقالي شي نعطيه

عرسي قرب واني نرا فيك بعينيه ونرا فيها فناس لدايرة بيه

ناس ملاح ومطالب كان معايا يرتاح اما الغدرة ماني تعلمتها منكم وافعالكم

نحبك ونكرها وساعات ننقم ونكرهك معاها، ماك ساقط اخرج مني عاد والا لازم تخلى الصرف فيا؟

نخاف عليك لايطيحو بيك وبعد متحبهم يعفسوك ،يذلوك ويعملو فعذابك صنعة وحقى منك ياخذوه

قداش نتمنى ننصحك ؛رد بالك تحلم ولقلبك تسلم وللحب تعطي الجنب !ماني قتلك نخاف عليك يا شاغلني بيك ..

ليوم نتيجة الباك منيش متأكدة ننجح اما نخمم فيك ،انجم نكلمك نسأل عليك ؟ زعما عملتها وفرحت اماليك! ؟

______

نسيت نكتبلك هلايامات تلهيت فدفوارات والتحظير للوريقات ماو قريب ترتاح مني ويضيع حق كتيبتي وتخمامي فيك