في ليلة ظلمة

Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

Hayfa Ben Mouhamed - هيفاء بن محمد

في ليلة ظلمة ..

ظلامهاا ماا ريتوش من زماان ..

دفنووك ياا العزيز دفنووك...

دفنووك و بالتراب غطووك ..

دفنووك ياا العزيز و خلاوني هايمة ..

نتفكر في ضحكتك اللي تملالي دنيتي ..

نتفكر في كلامك و ملامك ..

نتفكر فالموت اللي فيك رزاني ..

نتفكر في عمرك اللي وفاا بين ليلة و نهاار ..

دفنووك ياا العزييز دفنووك ..

دفنووك و علياا حرمووك ..

اليوم ياا العزيز بكاا عليك اللي بكاك ..

اليوم صلى عليك اللي نسااك ..

اليوم شيعووك لدار الحق ..

اليوم يا العزيز اللي سبك قال الله يرحموو

اليوم اللي غدرك قاال ربي يغفرلوو

اليوم اللي غاار منك قاال من دنيتو لجنتوو

هزووك ياا العزيز و غسلووك

و بلبااس بلاش كمام كفنووك

و عالاكتاف هزووك

و بصلاة بلاش ركووع و لا سجووك ودووك

و تحت الترااب ردمووك ..

اليووم ياا العزييز فهمووك و حبووك و حقك عطووك ...

و من اليووم ياا العزيز ينسووك ..

و اهلك بعدك يورثووك ..

و اصحاابك بعد عشرتكم يبعثووك ..

اليووم يا غاالي كاان اناا نخمم فيك ..

و بروحي نفديك ...

و قلبي نعطيك ..

و دمووعي تنااجيك ..

و قلبي يناديك ..

دفنووك ياا عزيز دفنووك .

دفنووك و و كالجمرة في قلبي حطووك ..

دفنووك ياا العزييز و حرمووني منك و مني حرمووك.

دفنووك يا العزيز اي اما غدواا يلحقووك ..

هيفاء بن محمد

Website Design Brisbane

Tags: