حبيت نڨلّك محلاك وانت تتحدى العالم باهدافك...لحظه نغمّض عيني ونتخيل وقفتك قدام بحر ثاير كي افكارك .....تتنهد و بنفس جديد من قلبك تصييييح يااارب وتتراجع في خطواتك وتعود لاهدافك....حبيت نقلك راني نكتبلك جوابات بين  الحاضر والاحلام....نخليهم عند عطار الحومة لي عندو شيبات.. . يحفظهم و يحكيهم للصغار حكايات ..

حبيت نكون انا الورقه البيضه لتتترك بين ثناياها فرحه ..فرحه نجاحك بعد تعب طويل .. حبيت نكون انا الرفيقه لروحك  بكل تفاصيلها.....حبيت  نكون انا لمراية  لترا فيها ضحكتك وقت التعب.. نتلاقوا نخليك تكمل صلاتك و نخطفك حذايا كي القمره لضوي طريق مسافر في العتمه....نضوي لقلبك فرحه تنسيك تعب.

حبيت نخرّج  من حضن متاعبك ونعطيك  بدالها الف عناقه مليانه حب وسلام ...حبيت نقلك نحبك تكون  رفيقي وتنسيني ونسيك في ناس ياما عطاونا الف وجه