Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

سيبوهاا

oppression-femmeLaila N. - ليلى ن

علاش لي تحب تعملو كل يقولولها إحشم إإنت ولية ..

علاش كي تحب تعيش حياتها يسكتوها ب كلمة عيب يعطيك دنية ..

علاش كي تلبس علی ذوقها  يقولولها ضحكت علينا البراينية ..

علاش كي تتمنی تشوف القمر ليلة كاملة يقولولها أدخل يزي م السهرية ..

علاش كي تحب تتفرهد و تخرج و تحوس يقولولها إركح و يزي مل هملة هذية ..

علاش كي تحب تجرب الحب و تعشق و تهوی يقولولها إلا ما نحرموك من شربة المية ..

علاش كي تخرج مع شكون يخممو طول في الوطية ! ..

علاش كي تصارحهم بالحقيقة يقولولها 'رقوعيتك باش توصلك ل آخر الثنية " ..

علاش يحرمو فيها م لي تحب عليه هي !!!!

هي ؟؟ هي   تحب تتخلص م القيود و العبودية !! خنقتوها .. قتلتوها بالحيا .. خيطولها فمها .. لبستوها كيما حبيتو .. عيشتوها كيما تحبو .. سلسلتوها سجنتوها !!! سجنتوها في حبس ظلام .. حبس يعذب   بالقيل و القال .. هاكا ضحك عليك و هذا يذم فيك -__-

سيبوهااااااااااااا أعتقوهااااااااااا

هي إنسان و تحب علی الحرية ..

بقلم ليلى ن.


سيبوهاا

Vous pouvez lire aussi