Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
سر بنية
Ahmed Trigui - أحمد الطريقيما جانيش النوم
مخي كالعادة يلوم
يذكر فيا بذكريات حموم
حتى سقف سماية الليلة داكن و ما فيهش نجوم
سقف سماية الليلة مكدس غيوم
نستنا فيها تمطر هموم
عرفها ليلة الحساب الي كنت منها محروم
ليلة الداعي و الي كسب
ليلة نتذكر فيها قداش من مرة قلبي تكب
ليلة نتذكر فيها قداش من مرة نغرق في بحر الحب
ليلة حضرة فيها الملايكة الدونية
ليلة حضرة فيها روحي الي ما هياش متهنية
حبت تطمان عليا
حبت تبربش سر مرشوق في وسط جواجية
سر بنية عملت فية
سر بنية ريتها مرة معايا و مرة برانية
سر بنية كنت نفهمها على رمش العين
بنية حارت و قعدت بين البينين
لاعرفتو قلبها كاسح و لا عرفتو حنين
نحب ديما نراها
عملها ليا الي خلقها و سواها
حتى بونا آدم سما الاسامي الكل و جاء عند اسمها تلعثم و نساها
اما ربي بالتعب كساها و بكثرة التخمام بلاها
ضايعة و عايشه في ماتاها
قلبها يرضخ فيها و عقلها لبلاصة بعيدة نفاها
حتى الي تبعتو خلاها
كيف الوردة الذابلة رماها
رجعت للي حبها و سقاها
اما مازالت ما هياش معاه
قداش من مرة خلاتو لتنهيدة و الآه
قداش من مرة سكت عليها و بعد عليها بلاه
قداش من مرة البعد حرقو و فناه
أحمد الطريقي
Website Design Brisbane
Tags: