يا عشيري الوقت دواه الصبر و لا غصة وقفة في القبر ،،

عشت براسك و في كلامك حبوك ناسك ،،

خليك قوي عمرك ما تبكي و على خدك يراو دموعك،،

خليك عزيز احملها في قلبك و عمرك ما توري جروحك ،، في سرك ابكي بتنهيدة

صيح و خرج نارك لوڤيدة  ،،

اجري بقوة ،، انسى و عمرك لا تقف في هوّة،،

اصنع لحكايتك عنوان اعمل الباهي و عمرك لا تدوان ،،

اكتب همك كي قصة انزف دمك ،، عاني و اتوجع بغصة ،، ما تخلي حد يداويك لا صاحبك و لا لي كاويك ،،،

بيديك تزرع في عروقك لي يرويك

خلي لي فيك يناديك بمحبة جروحك خلي الدنيا تزهى و تشوفك ،،