قالولي خوذ ستيلو و ورقة واكتبلنا عليه لي خذالك قلبك وسكن فيه ياخي جاء النهار الي وليت تحب فيه ؟ نحبوا نعرفو شكون لي خذالك عقلك وطار بيه احكيلنا خرج الفرحة الي فيك شاركنا باللقة الي خارجة من عينيك ماإلي دخل لحيااتك ووجهك الضحكة ماغابتش عليه . ماناش مصدقين جاك نهار ووليت تحب فيه وتحكيلنا عالحب الي تعيش فيه صحة ليك مااحلاه الإحساس لي حاسة بيه ،جاك الراجل لي تمنيت وطيرك لدنيا بنهالك بيديه . ماخلاكش تتعب بش تلوج عليه. جاك يجري على حصان أبيض هو الي يمشي فيه .

تي احكيلنا ووأصفلنا زينو لي ذوبك بيه عينيه زرق ولا كحل شنوة الي يميزوا عالرجال لأخرين ؟ هذا الصدر لحنين لتمنيت تتكى عليه . ويكتبلك شعر يخليك مالفرحة طير بيه ؟ جاك الحب الي تمنيت تعيشوا وانت طايرة بالعشق الي كتبتوا بيديك ؟ مانجم نكون فرحانة كان بيه فرحتي انا لصنعتها بإيدي لثنين مزال ماجاش النهار لي حلمتوا بيه . لوقتاه بش نقعد دافنة ضحكتي ومخبية فرحتي نستنى فيه !! يعني أنا نموت بلاش بيه ؟ الدنيا لي طرتلها بنيتها بإيدي زرعتهابالفرحة والضحكة لي تخبات سنين ماجانيش على حصان ابيض لحصان انا لاخترت نمشيه .

مزلت ماريتش زينوا الي ذوبني بيه انا غزرت لمخو قبل مانغزر لعينيه .... والشعر لي طرت بيه كتبتوا بإيدي قريتوا لروحي وفرحت بيه . ياخي ماعنديش لحق ندلل روحي ؟ مالا كيفاش نقولوا نحترعك في خيالي وبيك نعيش ؟