توحشتك قد الدنيا و ما فيها .. صدقني توحشتك ! صحيح موش كيما قبل اما نحبك تخطفني و تخبيني عندك و تبعد عليا العينين !

مستحقة لكلامك ! و وقفتك معايا ! .. !

تتفكر وقت الي شكيتلك من دارنا قتلي تو نعرسو و نعملو دارنا الصغيرة الدافية

تتفكر وقت الي شكيتلك من وجيعة تبوسني و تعنقني بقوة

تتفكر وقت الي قلت كلمة ما عجبتكش .. قعدتني و حكيت معايا كلام بكاني و بعد عنقتني !!

توحشت ريحتك و توحشت و ضحكتك !

مانحبكش ترجع و نعرف الي بيناتنا وفا اما توحشت روحي الي مشت معاك ..! توحشت اميمة الي كانت ترقد و تقوم على صوتك ! توحشت بلاصتنا متع العادة ! توحشت غيرتك عليا !

كي ريتك تحيرت مواجعي و هربت منك ههه ! تمنيتك تعنقني .. حبيتك تبوسني .. ما حبيتش نبعد عليك !

نحب نرجع نعيش و نتنفس عادي !

بقى اسمك في بالي ..  عينيك الي يجيو بين عينيا كي نغمضهم ... ريحة النفس متاعك كي بستني اول مرة ... قرصتك الي بكتني برشا مرات  ...

توحشتهم اما الدنيا وقفت وقت الي خليتني و خليت الناس يكرهوني فيك و حطولي في مخي الي انتي خايب ؛

لتو مانيش عارفة انا غلطت و لا انتي ؟

الحاجة الي متأكدة منها  الي حكايتنا كانت محلاها

و ساعات نتفكر الي انتي كنت تقلي " حتى كان بش تبعد راني نخطفك و ناخذك بالقوة "

هههه حبيتك اما والله خسارة !

تعرف محلاه احساس الحب معاك ! حاسة روحي كان انا عشت و عرفت الحب  .. منعرش علاه نكتب هكا اما ما نجم نحكيه لحد ! حبيتك انتي تعرف فاش نخمم بالنسبة ليك ؛