.. ﻋﻤﺮﻧﺎ ﻣﺎ ﺑﺶ ﻧﺘﻔﺎﻫﻤﻮ

ﺍﻧﺘﻲ ﺍﻟﻲ ﺑﺨﺸﻤﻚ ﻭ ﺍﻧﺎ ﺍﺣﺎﺳﻴﺴﻲ ﻭ ﻗﻠﺒﻲ

.. ﻳﺤﻜﻤﻮ ﻓﻴﺎ

ﺍﻧﺘﻲ ﺗﺤﺴﺐ ﺍﻟﻒ ﺣﺴﺎﺏ ﻭ ﺍﻧﺎ ﺍﻟﻲ ﻳﻄﻠﻌﻠﻲ ﻓﻲ

اسمك .. كلامك .. ضحكتك .. عينيك .. و ريحتك ..

حاجات ينجمو يتحكمو فيا .. ما فما حتى شي فالدنيا ينجم يخليني نطيح كيفك .. نعرف الي انتى صعيب و ما عندك وين يدور الريح .. اما ما شافوش القلب الابيض الي ريتو انا .. و حنيتك عليا .. تعنيقتك الي دفيني بكلي .. ايديك كي يتحطو على خدي .. بوستك الي تسكتني بيها .. نجم نحكي برشا على الحاجات الي نحبهم .. و نعشقهم فيك ..

ما نجمش نحكي قداش كلامك يوجع .. حاجة نحبها تقعد بيني و بينك ..

قتلك الي انت ساعات تحسسني بنقص ... تحيرني في امري و تخليني كالمهبولة نسأل و نجواب وحدي، كي زربوط ندور في بلاصتي ... نحس الي انا مقصرة معاك ولا بالكشي انت عينيك فارغة و عمرها ما تتملى ...

نشعلك صوابعي شمع و انت تزيد تشعل فيا نار بش تراني نتحرق، تقولشي عليك تتبنن في عذابي ... نبدا نخمم و نكمبس كيفاه نزهيك و نرا لمعة في عينيك، نبدا طامعة في كلمة حلوة بش تقولهالي ... تقولشي نتسول منك فالمحبة، طرف مودة، جواب نخبيه تحت المخدة، بوسة و تعنيقة نتفكرهم وقت الشدة ، ميسالش اعتبرهم صدقة جارية ...

توحشتك قد الدنيا و ما فيها .. صدقني توحشتك ! صحيح موش كيما قبل اما نحبك تخطفني و تخبيني عندك و تبعد عليا العينين !

مستحقة لكلامك ! و وقفتك معايا ! .. !

تتفكر وقت الي شكيتلك من دارنا قتلي تو نعرسو و نعملو دارنا الصغيرة الدافية

تتفكر وقت الي شكيتلك من وجيعة تبوسني و تعنقني بقوة