Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
تعبنا
Saida Jaafer - سيدة جعفرموش كل إحساس يقلقنا انجمو نتخلصو منو
موش كل عبد يوجعنا انجمو نخرجوه من حياتنا بالساهل
موش كل فشل انجمو نتجاوزوه
موش كل نجاح انجمو نوصلولو بالساهل
موش كل مشكلة انجمو نحلوها وحدنا
ساعات نضيعو رواحنا و احنا نحاولو باش نلقاو رواحنا
ساعات يجي شكون يبربشنا و يمشي
يخلينا ضايعين
تايهين في دنيا كبيرة
و احنا اصغر مالنجوم فيها
و احنا أجرام سماوية صغيرة فيها
و نتعبو مالمحاولة
نتكاو ع جنب
نشوفو في الناس تدخل في حياتنا و تخرج
و احنا ماعاش نردو الفعل
نختارو معاش نتكلمو
نختارو نهربو
مش على حاجة
غير تعبنا
تعبنا برشا و كهو
نخليكم تو ...
سيدة جعفر
Website Design Brisbane
Tags: